के हुँदै छ ओलीको निर्वाचन क्षेत्रमा ?
सारांश
- प्रतिनिधिसभा र प्रदेशसभा निर्वाचनमा झापाको पछिल्लो मत परिणामअनुसार वाम गठबन्धनले अग्रस्थान लिइरहेको छ ।
- क्षेत्र नं ५ मा एमाले अध्यक्ष एवं वाम गठबन्धनका केपी शर्मा ओलीले १२ हजार ६८८ मत प्राप्त गरेका छन् ।
- काँग्रेसका डा खगेन्द्र अधिकारीले ५ हजार ४७५ मत प्राप्त गरेर ओलीलाई पछ्याउँदै छन्।
प्रतिनिधिसभा र प्रदेशसभा निर्वाचनमा झापाको पछिल्लो मत परिणामअनुसार वाम गठबन्धनले अग्रस्थान लिइरहेको छ ।
क्षेत्र नं ५ मा एमाले अध्यक्ष एवं वाम गठबन्धनका केपी शर्मा ओलीले १२ हजार ६८८ मत प्राप्त गरेका छन् । काँग्रेसका डा खगेन्द्र अधिकारीले ५ हजार ४७५ मत प्राप्त गरेर ओलीलाई पछ्याउँदै छन्।
पछिल्लो मतगणनानुसार निर्वाचन क्षेत्र नं १ मा वाम गठबन्धनका सुरेन्द्रकुमार कार्कीले ११ हजार ४७ मत प्राप्त गरेका छन् । नेपाली काँग्रेसका विश्वप्रकाश शर्माले १० हजार २६५ मत प्राप्त गरेका छन् ।
निर्वाचन क्षेत्र नं २ मा वाम गठबन्धनका पवित्रा निरौला (खरेल)ले ७ हजार ३०५ मत आएको छ । काँग्रेसका उद्धव थापाले ४ हजार ९६२ मत प्राप्त गरेका छन्।
क्षेत्र नं ३ मा एमाले समर्थित राप्रपाका महामन्त्री राजेन्द्र लिङ्देनले ११ हजार १५ तथा काँग्रेसका कृष्णप्रसाद सिटौलाले ८ हजार ५९ मत प्राप्त गरेका छन् ।
क्षेत्र नं ४ मा वाम गठबन्धनका एलपी साँबाले १२ हजार ७४२ र काँग्रेसका देउकुमार थेवेले ७ हजार ७७५ मत प्राप्त गरेका छन् ।
प्रतिक्रिया