मर्निंग वाक हिडेका ८० वर्षीय वृद्धा बल्खुबाट बेपत्ता

आज बिहानै मर्निंग वाकमा निस्किएका ८० वर्षीय बृद्धा काठमाडौँको बल्खुबाट बेपत्ता भएका छन् । बेपत्ता भएका बृद्धा रौतहट जिल्लाको चन्द्रपुर नगरपालिका वार्ड नं ४ चन्दनपुर घर भएका अर्जुन प्रसाद अधिकारी हुन् । अधिकारी आज विहान ७ः३० बजे मर्निंग वाकमा निस्किएको छोरा प्रकाश अधिकारीले बताए ।

बेपत्ता भएका बृद्धा बल्खुस्थित बर्नहार्ट कलेजको पछाडि बस्दै आएका थिए । बिहानै मर्निंग वाक गएर आउछु भनेर हिडेको लामो समयसम्म बुबा नफर्किए पछि प्रहरीलाई खबर गरेको उनका छोरा प्रकाशले बताए ।

बेपत्ता अधिकारीको हुलियाः
उचाई ५फिट २ इञ्च, रातो वर्ण, खैरो कलरको ट्रयाक सुट र ढाका टोपी लगाएको

उक्त हुलिया भएका अधिकारीलाई देख्नेले नजिकको प्रहरी चौकी वा १०० खबर गरिदिन परिवारका सदस्यले अनुरोध गरेका छन् । त्यस्तै ९८५११३२५३६, ९८४१३७८६०६ र ९८५१०५४२६१ मा फोन गर्न पनि पारिवारिक श्रोतको आग्रह छ ।