कैटरिनाले सलमानलाई विवाहकालागि गरिन् प्रपोज
सारांश
- म्बई।
- यतिबेला बलिउड अभिनेता सलमान खान र अभिनेत्री कैटरिना कैफ फिल्म ‘भारत’ को प्रमोशनमा व्यस्त छन्।
- फिल्म प्रमोशनका क्रममा सधैं जस्तै सलमान खानलाई विवाहको विषयमा फ्यानहरुले सोध्ने गर्छन।
म्बई। यतिबेला बलिउड अभिनेता सलमान खान र अभिनेत्री कैटरिना कैफ फिल्म ‘भारत’ को प्रमोशनमा व्यस्त छन्। फिल्म प्रमोशनका क्रममा सधैं जस्तै सलमान खानलाई विवाहको विषयमा फ्यानहरुले सोध्ने गर्छन। तर सलमान खानले कुनै जवाफ दिँदैनन्।
विवाहको चर्चा चल्दा सलमान उक्त विषय हाँसी हाँसी उडाउँछन्। विवाह गर्ने नगर्ने उनको व्यक्तिगत विषय हो, तर फिल्म भारतमा भने उनको विवाह हुन्छ।
यसको खुलासा फिल्म निर्देशक अली अब्बासले आफ्नो ट्विटमार्फत गरेका हुन्। अलीले ट्विटरमा एउटा भिडियो क्लिप शेयर गरेका छन्। उक्त भिडियो क्लिपमा कैटरिनाले सलमानलाई विवाह गर्न प्रस्ताव गरेकी छन्। यो भिडियो यतिबेला सामाजिक संजालमा निकै भाइरल भइरहेको छ।
The proposal ….@Bharat_TheFilm pic.twitter.com/1BCvPSirUe
— ali abbas zafar (@aliabbaszafar) May 24, 2019
भिडियोमा कैटरिनाले भनेकी छन्, ‘मेरो विवाह गर्ने उमेर भइसकेको छ, मलाइ तिमी मन पनि पर्छौ, हाम्रो विवाह कहिले हुन्छ भन।’ कैटरिनाको यो कुरा सुनेपछि सलमान खोक्न थाल्छन्। यो फिल्मको डाइलग हो जो यतिबेला समाजिक संजालमा भाइरल भइरहेको छ।
सलमान खान र कैटरिना कैफको फिल्म भारत ५ जुनमा रिलीज हुँदैछ। यो फिल्ममा एक पटक फेरि सलमान खान र कैटरिना कैफको हिट केमेस्ट्री हेर्न पाइनेछ। यसअघि दुवैले एक था टाइगर र टाइगर जिंदा है जस्ता सुपरहिट फिल्मा काम गरिसकेका छन्।
प्रतिक्रिया