कोत तथा दसैंघरमा फूलपाती भित्र्याइयो

काठमाडौँ  । विजया दशमीको सातौ दिन आज फुलपाती देशका विभिन्न कोत तथा दसैंघरमा फूलपाती भित्र्याइएको छ । विजया विभिन्न शक्तिपीठ तथा मन्दिरहरूमा देवीको पूजाआजा गरी फूलपाती भित्र्याइएको हो ।

गोरखा दरबारस्थित दशैँघरबाट काठमाडौँको हनुमान ढोकाको दशैँघरमा महासप्तमीका दिन फूलपाती  भित्र्याउने साइत मिलाएर टुँडिखेलमा फूलपाती बढाइँ गरिन्छ । फूलपातीको बडाईंमा राष्ट्रपति विद्यादेवी भण्डारी‚ उपराष्ट्रपति नन्दबहादुर पुन‚ प्रधानमन्त्री शेरबहादुर देउवासहित मन्त्री तथा वरिष्ठ सरकारी अधिकारीहरू उपस्थित थिए।

सिन्धुलीको कमलामाई नगरपालिका ४ को रक्तमाला मन्दिरको दसैंघरमा सामूहिक फूलपाती भित्र्याइएको छ । रक्तमाला मन्दिर परिसरमा सेना र प्रहरीले फूलपाती बढाइँ गरेका थिए । वाग्मती प्रदेशका संस्कृति‚ पर्यटनमन्त्री दीपेन्द्र श्रेष्ठ फूलपाती भित्र्याउने तथा बढाइँ कार्यक्रममा सरिक भएका थिए ।

यसैगरी ताप्लेजुङमा पनि नेपाली सेनाको ब्यारेकबाट गएको सेना र सशस्त्र प्रहरीको टोलीले जिल्ला प्रहरी कार्यालयबाट फूलपाती भित्र्याएको छ । प्रहरीले भने हाङदेवा, दोखु, फुङलिङलगायत स्थानबाट अघिल्लै दिन फूलपाती ल्याउने गरेको छ ।

बडादसैंको सातौं दिन सोमबार धनकुटामा आयोजना गरिएको विशेष फूलपाती बढाइँ । उक्त अवसरमा नेपाली सेना, सशस्त्र र नेपाल प्रहरीको टुकडीले सलामी दिएको थियो ।
आइतबार धनकुटामा पनि विशेष बढाइँ आयोजना गरिएको छ । प्रसिद्ध धार्मिकस्थल निशान भगवती मन्दिरबाट डोलीमा निशानलाई बोकेर बजार परिक्रमा गराई तल्लो टुँडिखेलमा विशेष पूजापछि फुलपाती बढाइँ गरिएको थियो ।