सुदूरपश्चिममा आज तेस्रो पटक सभामुख पदका लागि निर्वाचन हुँदै
सारांश
- काठमाडौं ।
- सुदूरपश्चिम प्रदेशमा आज तेस्रो पटक सभामुख निर्वाचनका लागि मतदान हुने भएको छ ।
- यस अघि २८ र ३० गते भएको निर्वाचनमा कसैले पनि बहुमत नपाएपछि आज पुन निर्वाचन हुन लागेको हो ।
काठमाडौं । सुदूरपश्चिम प्रदेशमा आज तेस्रो पटक सभामुख निर्वाचनका लागि मतदान हुने भएको छ । यस अघि २८ र ३० गते भएको निर्वाचनमा कसैले पनि बहुमत नपाएपछि आज पुन निर्वाचन हुन लागेको हो ।
आज बिहान १० बजे प्रदेश सभाको बैठक आह्वान गरिएको छ । उक्त बैठक मार्फत सभामुख चयन प्रक्रिया अघि बढ्ने प्रदेश सभा सचिवालयका सचिव देवबहादुर बोगटीले जानकारी दिनु भयो ।
सुदूरपश्चिम प्रदेशमा माओवादीका भीम भण्डारी र कांग्रेसका मानबहादुर रावल सभामुखको उम्मेदवार हुनुहुन्छ । २८ गते सत्ता गठबन्धनकै एक सांसदको मत बदर भण्डारी सभामुख हुनबाट रोकिनु भएको थियो भने ३० गते नागरिक उन्मुक्तिका ७ सांसदले कतै मत नदिएपछि दोस्रो पटक भण्डारी र रावल दुवैले बहुमत पुग्न सकेको थिए ।
५३ जना प्रदेश सभा सदस्य रहेको सुदूरपश्चिममा सभामुख बन्न २७ मत आवश्यक पर्छ । आज १० बजे बस्ने प्रदेश सभा बैठकले सभामुख चयन गर्ने अपेक्षा गरिएको छ ।
प्रतिक्रिया