क्रिकेट खेलाडी शक्तिले खेल मैदानमै आँसु झार्दै विदाइ भए

काठमाडौं । नेपाली क्रिकेट टिमका बलर शक्ति गौचनले खेल जीवनबाट सन्यास लिएका छन् । उनले शनिबार त्रिवि क्रिकेट मैदानमा पोखरा राइनोज विरुद्ध एभरेष्ट प्रिमियर लिगबाट खेल्दै खेल जीवनका प्रतिस्पर्धी अन्तिम खेल भएको बताएका छन् ।

त्रिवि क्रिकेट मैदानबाट विदा भएका गौचनले खेल मैदानमै खाँसु झारे । उनको आँसुले सबैलाई निकै भावुक बनाएको थियो । नेपालको झण्डा काधमा राखेर दर्शकलाई हात हल्लाउँदै अभिवादन गरे । खेलाडीले उनलाई काधमा राखेर मैदान वरपर घुमाए ।

उनी १९ वर्ष नेपाली क्रिकेटमा खेले । खेल नखेलेपनि क्रिकेटसँग सधै साथै रहने बताए। शक्तिले अब आफ्नो लक्ष्य नेपाललाई टेष्ट राष्ट्रको मान्यता दिलाउनु रहेको बताएका छन् ।

नेपालले एक दिवसीय राष्ट्रको मान्यता पाउनु ठूलो उपलब्धि भएको बताए । अब आफ्नो सपना र लक्ष्य १० वर्ष भित्रमा नेपाललाई टेष्ट राष्ट्रको मान्यता दिलाउनु भएको बताए ।

३४ वर्षे गौचनले नेदरल्याण्डस् विरुद्ध नेपालको तर्फबाट अन्तिम अन्तर्राष्ट्रिय खेल खेलेका थिए। उनी सन् २००२ मा सिंगापुरमा भएको एसीसी ट्रफीमा सिनियर टोलीमा डेब्यू गरेका हुन् । शक्ति ब्याटिङमा पनि पोख्त खेलाडीको रुपमा चिनिन्छन्।