चीन भ्रमणमा रहेका नेकपा अध्यक्ष दाहाल बिचैबाट नेपाल फर्कने !
सारांश
- काठमाडौं, १ असोज ।
- चीन भ्रमणमा रहेका नेकपाका अध्यक्ष पुष्प कमल दाहाल प्रचण्ड राजधानी बेइजिङ् नपुगी फर्कने भएका छन् ।
- राष्ट्रपति सि जिनपिङ्काे कार्यव्यस्तताका कारण भेट्न सम्या भएपछि बेइजिङ् जाने या नजाने अन्याेल भएकाे हाे ।
काठमाडौं, १ असोज । चीन भ्रमणमा रहेका नेकपाका अध्यक्ष पुष्प कमल दाहाल प्रचण्ड राजधानी बेइजिङ् नपुगी फर्कने भएका छन् । राष्ट्रपति सि जिनपिङ्काे कार्यव्यस्तताका कारण भेट्न सम्या भएपछि बेइजिङ् जाने या नजाने अन्याेल भएकाे हाे । स्राेतका अनुसार राष्ट्रपतिसँग भेट हुने भए मात्र बेइजिङ् जाने अध्यक्ष दाहालले बताएका छन् ।
राजनीतिक भ्रमण भनिए पनि दाहालले राष्ट्रपतिसँग भेट्न नसकेकाे खण्डमा प्रादेशिक नेतासँगको भेटवार्तामै भ्रमण सीमित हुनेछ ।
अध्यक्ष दाहालले आफ्नो चीन भ्रमणका विषयमा अहिलेसम्म चीनका लागि नेपाली राजदूतावासलाई कुनै पनि जानकारी दिएका छैनन् । यद्यपि, उनलाई स्वागत गर्न राजदूत लीलामणि पौड्याल शनिबार ग्वाञ्जाओ आएका थिए । राजदूत पौड्याल ग्वाञ्जाओ आए पनि चिनियाँ पार्टीले भेटबारे नेपाली राजदूतावासलाई जानकारी दिएको छैन । पूर्वप्रधानमन्त्रीको भ्रमण हुँदा सम्बन्धित देशको राजदूतावासलाई जानकारी दिने प्रचलन छ ।
अध्यक्ष दाहालले आइतबार चिनियाँ क्रान्तिका ऐतिहासिक स्थलको अवलोकन गरेका छन् । सन् १९४५ मा चीनको येनान प्रान्तमा सम्पन्न चिनियाँ कम्युनिस्ट पार्टीको सातौं महाधिवेशन स्थल र येनानमा सन् १९३८ देखि १९४५ सम्म रहेका माओले पहाड खोलेर बनाइएको घरको उनले अवलोकन गरेका थिए ।
अध्य दाहालसहित नेकपाका प्रवक्ता नारायणकाजी श्रेष्ठ चिनियाँ कम्युनिष्ट पार्टिकाे निमन्त्रणामा चीन पुगेका हुन् ।
प्रतिक्रिया