चुनावको मुखमा फेरि नौ सचिवको सरुवा
सारांश
- चुनावको मुखमा सरकारले मंगलबार फेरि नौ सचिवको सरुवा गरेको छ।
- सोमबार मन्त्रिपरिषदको बैठकले ६ सचिवको सरुवा गरेको भोलिपल्टै फेरि सरुवा गरिएको हो।
- स्रोतका अनुसार सोमबारको बैठकको माइन्युटमा नै राखेर मंगलबार थप सचिवको सरुवा गरिएको छ।
चुनावको मुखमा सरकारले मंगलबार फेरि नौ सचिवको सरुवा गरेको छ। सोमबार मन्त्रिपरिषदको बैठकले ६ सचिवको सरुवा गरेको भोलिपल्टै फेरि सरुवा गरिएको हो।
स्रोतका अनुसार सोमबारको बैठकको माइन्युटमा नै राखेर मंगलबार थप सचिवको सरुवा गरिएको छ।
सञ्चार मन्त्रालयका महेन्द्र गुरुङ र महिला, बालबालिका तथा समाज कल्याणका प्रेमकुमार राईलाई प्रधानमन्त्री तथा मन्त्रिपरिषद कार्यालयमा सरुवा गरिएको छ भने सूचना आयोगकी यामकुमारी खतिवडालाई उद्योग मन्त्रालयमा पुर्याइएको छ।
प्रधानमन्त्री कार्यालयमा रहेका सचिव रामकुमार आचार्यलाई महालेखा नियन्त्रकको कार्यालय र केदारबहादुर अधिकारीलाई सञ्चार मन्त्रालय लगिएको छ।
त्यस्तै ङइन्द्रप्रसाद उपाध्यायलाई महिला, बालबालिका तथा समाज कल्याण मन्त्रालय, उद्योगका शंकर कोइरालालाई सामान्य प्रशासन मन्त्रालय, खगराज बराललाई प्रधानमन्त्री कार्यालय तथा रश्मीराज पाण्डेलाई मध्यमाञ्चल क्षेत्रीय प्रशासकमा सरुवा गरिएको छ।
प्रतिक्रिया