जंगली जनावरलार्इ पासाे थापेकाे गोली मान्छेकाे खुट्टामा लागेपछि…
सारांश
- दाङ , ९ असार ।
- जंगली जनावरलार्इ पासाे थापेकाे गोली लागेर दुईजना घाइते भएका छन् ।
- बाँके राष्ट्रिय निकुञ्जको मध्यवर्ती क्षेत्र पर्ने दंगिशरण गाउँपालिका–१, मा रहेको कनरिया सामुदायिक वनमा राखिएको बन्दुकको गाली लागेर फुर्केसल्लीका २० वर्षका कृष्णकुमार घर्ती र २५ वर्षका भीम घर्ती घाइते भएको इप्रका तुलसीपुरले जनाएको छ ।
दाङ , ९ असार । जंगली जनावरलार्इ पासाे थापेकाे गोली लागेर दुईजना घाइते भएका छन् ।
बाँके राष्ट्रिय निकुञ्जको मध्यवर्ती क्षेत्र पर्ने दंगिशरण गाउँपालिका–१, मा रहेको कनरिया सामुदायिक वनमा राखिएको बन्दुकको गाली लागेर फुर्केसल्लीका २० वर्षका कृष्णकुमार घर्ती र २५ वर्षका भीम घर्ती घाइते भएको इप्रका तुलसीपुरले जनाएको छ ।
इप्रका तुलसीपुरका डीएसपी प्रकाश सापकोटाका अनुसार शुक्रबार बेलुकी हराएका गोरु खोज्न गएका बेला बन्दुकको एम्बुस पड्किँदा दुवै जनाको खुट्टामा गोली लागेको छ ।
घाइते मध्ये भीमको खुट्टामा गम्भीर चोट लागेको छ । उनीहरूलाई राप्ती अञ्चल अस्पतालमा उपचार सम्भव नभएपछि कोहलपुर मेडिकल कलेज रेफर गरिएको छ ।
प्रहरीले घटनास्थलबाट एकथान भरूवा बन्दुक र गुलेली बरामद गरेको छ । बन्दुकको एम्बुस थापेको आरोपमा प्रहरीले दंगिशरण १ बाँकीबेटारपुरका बिजुली डाँगीसहित २ जनालाई पक्राउ गरेको छ ।
पक्राउ परेका डाँगीले एम्बुस थापेको स्विकार्दै बन्दुक फुर्केसल्लीका चन्द्रबहादुर खत्रीको भएको बयान दिएको प्रहरीले जनाएको छ ।
प्रतिक्रिया