‘जनयुद्ध जारी छ ?’

काठमाडौँ, २५ भदौ । काठमाडौँ स्थित सर्वनाम थिएटरमा नाटक ‘जनयुद्ध जारी छ ?’ मञ्चन हुने भएको छ । राज शाहको लेखन तथा निर्देशनमा नाटक ‘जनयद्ध जारी छ ?’ मञ्चन हुन लागेको हो ।

साेमबार नाटकको पहिलो पोस्टर आफ्नो सामाजिक सञ्जालमा सार्वजनिक गर्दै लेखक तथा निर्देशक शाहले नाटक छिटै मञ्चन हुने बताएका हुन् । नाटकमा दश वर्षे द्वन्द्व काल र यसले समाजमा पारेकाे असरलाई देखाउन खाेजिएकाे उनकाे भनाई छ ।

सर्वनाम कै उत्पादन राज शाह द्वारा लिखित तथा निर्देशित यो तेस्रो नाटक हो । यस अघि शाह द्वारा लिखित तथा निर्देशित दुई नाटक ‘बुख्याँचा मन’ र’जिन्दा सपना’ मञ्चन भैसकेका छन् । यस नाटकको लागि विगत चार महिना देखि पूर्वाभ्यास चलिरहेकाे  निर्देशक शाहले बताए ।

नाटक ‘जनयुद्ध जारी छ ?’ मा सर्वनाम कै कलाकारहरुकाे अभिनय रहने छ ।