जिग्री र रक्षाले फेसबुकमार्फत विवाह बन्धनमा बाँधिएको फोटो गरे सार्वजनिक !

काठमाडौं, १० माघ । हाँस्य टेलिसिरियल भद्रगोलका कुमार कट्टेल जिग्री र रक्षा श्रेष्ठ विवाह बन्धन बाँधिएका छन् । सुरुवाती चरणदेखि सिरियलमा उनीहरु प्रेमी-प्रेमीका हुन् ।

तर उनीहरुको विवाह ‘रियल लाइफ’मा नभएर ‘रिल लाइफ’मा हो । सिरियलमा कथाले मागेअनुसार उनीहरु विवाह बन्धनमा बाँधिएका हुन् ।

उक्त सिरियलको लागि खिचिएको फोटो केही समयअघि जिग्री आफैँले फेसबुकमा पोष्ट गरेका थिए भने  रक्षाले पनि फेसबुकमार्फत सार्वजनिक गरेकी छिन् ।

जिग्रीले गत जनवरी २० मा फेसबुकमा अरु बिहे सम्पन्न भएको खुसीयालीमा फेसबुकमा फोटो राख्छन्, आफू चै विहे सम्पन्न हुन नसकेको दुखियालीमा फोटो राख्नुपरेको छ, यस्तै छ भद्रगोल सिरियल !! भन्दै पोष्ट गरेका थिए ।

जिग्रीले पोष्ट गरेको चार दिनपछि रक्षाले फेसबुकमा ‘Jigri jhatte N Rakshya maichang. During our shooting.  bhadragol’ भन्दै पोष्ट गरेकी छिन् । रक्षाले पोष्ट गरेको फोटोमा जिग्रीले कमेन्ट समेत गरेका छन् ।

जिग्रीले ‘काकु नआउन्जेलसम्म त सँगै बस है मैच्याङ’ भन्दै कमेन्ट गरेका हुन् । जिग्रीको कमेन्टमा रक्षाले ‘हस जट्टे’ भन्दै प्रतिक्रिया दिएकी छिन् ।

जिग्रीले पोष्ट गरेको फोटोमा रिलमा मात्र नभएर रियल लाइफमा देख्न पाउँ भन्दै कमेन्ट गरेका थिए । त्यस्तै रक्षाले पोष्ट गरेको फोटोमा पनि कतिपयले रिलमा मात्रै नभइ रियल लाइफमा पनि देख्न पाउँ भन्ने प्रतिक्रिया दिएका छन् ।

उनीहरु दुवै जनाले राखेको फोटोमा फेसबुकका प्रायः साथीहरुले राम्रो जोडी भन्दै प्रतिक्रिया दिएका छन् । तर वास्तविक जीवनमा भने रक्षा विवाहित हुन भने जिग्री अविवाहित हुन् ।