ठग्स अफ हिन्दुस्तानको सुटिङमा बिषालु सर्प आउँदा हुन्थ्यो भागाभाग

नोभेम्बर ८ देखि प्रदर्शन हुन लागेको हिन्दी फिल्म ठग्स अफ हिन्दुस्तान प्रतिक्षित फिल्म हो । अमिताभ बच्चन, आमिर खान, कट्रिना कैफ लगायतका स्टारहरुको अभिनय रहेको यो फिल्मको प्रदर्शन मिति नजिकिदै जाँदा फिल्मसँग जोडिएका विभिन्न प्रचार सामाग्री र मेकिङ भिडियो सार्वजनिक भइरहेका छन् ।

यशराज फिल्म्सको ब्यानरमा निर्माण भएको यो फिल्मको सुटिङ थाइल्याण्डको यस्तो घना जंगलमा भएको थियो, जहाँ सुटि हुँदाहुँदै बिषालु सर्पहरुको झुण्ड आइपुग्थे । यतिमात्रै होइन, त्यो घना जंगलमा अभिताभ बच्चनलाई श्वास फेर्न समेत निकै मुस्किल पथ्र्यो । करिब एक महिना अघि एउटा अन्तरवार्तामा बच्चनले ठग्स अफ हिन्दुस्तानका निर्देशकले सुटिङका लागि यस्तो स्थान छनौट गर्नुको कारण के थियो आफुले अझै बुझ्न नसकेको बताएका थिए ।

फिल्मको अधिकांस सुटिङ थाइल्याण्ड र माल्टामा भएको थियो । थाइल्याण्डको बोर द्वीप बिषालु सर्पका कारण चर्चित रहेको स्थान हो । घना जंगलमा रहेको एउटा विशाल गुफाका कारण फिल्मको सुटिेङ त्यहाँ गरिएको हो । त्यो विशाल गुफालाई खुदाबख्सको भूमिकामा रहेका अभिताभ बच्चन लुक्ने स्थानको रुपमा फिचर गरिएको छ । अग्लो पहाड र घना जंगलमा गुफामा भएका कारण त्यो स्थानसम्म पुग्न अमिताभलाई गारो हुन्थ्यो । त्यसैले अभिताभलाई पाल्कीमा बोकेर त्यहाँ पुर्याउने गरिन्थ्यो ।