ठेकेदारका कारण सरकार बदनाम हुनुपरेको छ : प्रधानमन्त्री
सारांश
- काठमाडौं ।
- प्रधानमन्त्री केपी शर्मा ओलीले ठेकेदारहरुले मुलुकलाई ठगिरहेको र उनीहरुकै कारण सरकार बदनाम हुनुपरेको बताएका छन् ।
- नेकपाको संसदीय दलको बैठकमा मुलुकको विकास निर्माणका प्रमुख बाधक ठेकेदार भएको बताए ।
काठमाडौं । प्रधानमन्त्री केपी शर्मा ओलीले ठेकेदारहरुले मुलुकलाई ठगिरहेको र उनीहरुकै कारण सरकार बदनाम हुनुपरेको बताएका छन् । नेकपाको संसदीय दलको बैठकमा मुलुकको विकास निर्माणका प्रमुख बाधक ठेकेदार भएको बताए ।
संसदीय दलको बैठकमा मंगलबार करिब दुई घन्टा बोलेका ओलीले सरकारले गरेका कामको चर्चा गर्दै देशभरका ठेकेदारहरुले काम लिने तर समयमै नसक्ने भएकाले सरकार बढी बदनाम भएको दाबी गरे ।
‘ठेक्का पाएपछि काम गर्ने निहुँमा मोबिलाइजेसन बापत रकम लिने तर काम भने नगर्ने प्रवृत्ति ठेकेदारहरुमा देखिएको छ। यही कारण आयोजना अधुरा छन्’ प्रधानमन्त्रीले भने । करोडौं रुपैयाँ मोबिलाइजेसन बापत अन्य प्रयोजनमा खर्च गरेर ठेकेदारले लिएर मुलुकलाई ठगी गरेको प्रधानमन्त्रीको टिप्पणी छ।
ठेकेदारका कारण सरकारले राम्रो गरे पनि बदनाम हुन पुगेको प्रधानमन्त्री ओलीको भनाइ छ । सरकारको ठूलो धनराशी पनि खर्च हुनेगरी ठेकेदारलाई त्यस्तो छुट नहुने दाबी गरे ।
प्रतिक्रिया