डडेल्धुरामा निकालियो देउवाकाे अनुपस्थितिमै विजय र्‍याली

डडेल्धुरामा प्रधानमन्त्री शेरबहादुर देउवा प्रतिनिधि सभा सदस्य निर्वाचित भएपछि डडेल्धुरा जिल्लामा विजयी र्‍याली निकालिएको छ ।

देउवा प्रतिनिध सभा र डडेल्धुराका पार्टी सभापति कर्णबहादुर मल्ल प्रदेश (ख) मा निर्वाचित भएपछि डडेल्धुरा कांग्रेसले विजयी र्‍याली निकाली कोण सभा गरे ।

डडेल्धुराका सभापति एवं निर्वाचित (ख) उम्मेदवार कर्णबहादु मल्लले निर्वाचनका क्रममा कांग्रेसले गरेको प्रतिवद्वता पूर्ण रुपमा लागु गर्ने र जनाताको घर दैलोमै आएर धन्यवाद समेत दिने बताए । डडेल्धुरा जिल्ला सदमुकाम तुफानडाँडाबाट सुरु भएको विवयी र्‍याली बागबजार हुदै बस पार्कमा समापन भएको थियो ।

देउवाको वायोग्राफी

कांग्रेसका सभापति एवं डडेल्धुरा जिल्लाबाट ६ आैँ नवनिर्वाचित नेता शेरबहादुर देउवाको जन्म २००४ जेठ ३० गते गन्यपधुरा गाउँपालिका रुवाखोला, १ डडेल्धुरामा भएको हो ।
हाल उनी बूढानीलकण्ठ नगरपालिका–१ भद्रकालीमा बसोबास गर्दै आएका छन् ।

बाल्यकालदेखि नै राजनीतिमा चासो राख्ने नवनिर्वाचित प्रतिनिधि सभा देउवा पार्टी संस्थापक नेता विपी कोइरालाको राजनीतिक प्रेरणाबाट सक्रिय विद्यार्थी राजनीतिमा होमिएका हुन् ।

वि.सं. २०१७ पुस १ गते शाही नेपाली सेनाको शक्तिका भरमा प्रथम जननिर्वाचित सरकार अपदस्थ गरिएपछि नेता देउवा कांग्रेसको सक्रिय राजनीतिमा प्रवेश गरेका हुन् ।

प्रजातान्त्रिक विद्यार्थी आन्दोलनबाट राजनीतिमा होमिएका देउवा नेपाल विद्यार्थी सङ्घका संस्थापक सभापति हुन् ।

त्रिविबाट राजनीतिशास्त्रमा स्नातकोत्तर र कानुनमा पनि स्नातक देउवा सोही विषयमा लन्डन स्कुल अफ इकोनमिक्सका रिसर्च फेलो रहिसकेका छन् ।

पिता प्रसादसिंह देउवा र माता द्रौपतीदेवी देउवाका जेठा छोरा हुन् ।

देउवा वि.सं. २०४८, २०५१ र २०५६ का संसदीय निर्वाचनमा एउटै निर्वाचन क्षेत्र रहेको डडेल्धुराबाट अधिक मतान्तरमा निर्वाचित भए ।

वि.सं. २०६४ र २०७० मा भएको संविधानसभाको निर्वाचनमा पनि डडेल्धुरा र कञ्चनपुर जिल्लाको क्षेत्र नं ५ बाट विजयी देउवाले वि.सं. २०४८ देखि २०५१ सम्म गृहमन्त्री र ४ पटक प्रधानमन्त्रीको जिम्मेवारी सम्हालिसकेका छन् । हाल पनि प्रधनान्त्री छन् ।

यसअघि २०५१ मा भएको मध्यावधी चुनावपछि उनी पहिलोपटक कांग्रेस संसदीय दलको नेता निर्वाचित भएका थिए ।

०५१ मा एमालेका तत्कालिन अध्यक्ष मनमोहन अधिकारीको नेतृत्वमा गठित पहिलो कम्युनिस्ट सरकार वि.सं. २०५२ मा ढलेपछि उनी पहिलोपटक नेपालको प्रधानमन्त्री बनेका थिए ।

वि.सं. २०५८ मा दोस्रोपटक प्रधानमन्त्री भएका देउवा २०५९ असोज १८ गते तत्कालीन राजा ज्ञानेन्द्रबाट चुनाव गराउन असक्षम भनी प्रधानमन्त्री पदबाट बर्खास्त भएका थिए । २०७३ साल मा पूनः प्रधानमन्त्री भए ।

बर्खास्त भएको दुई वर्षपछि २०६१ सालमा तत्कालीन राजा ज्ञानेन्द्रबाट पूनः प्रधानमन्त्री बनाइएका नेता देउवा २०६१ माघ १९ गते प्रधानमन्त्री पदबाट बर्खास्ती भई नजरबन्दमा परेका थिए ।

राजा ज्ञानेन्द्रको यो कदमपछि संसदीय राजनीतिमा सक्रिय राजनीतिक दल र सशस्त्र युद्धरत माओवादीबीच सहकार्यको वातावरण बनेको थियो ।

२०५९ जेठ ८ मा संसदीय दलको नेता एवं प्रधानमन्त्री रहेका बेला नेता देउवाले संसद् विघटन गरेपछि कांग्रेस विभाजन भएको थियो ।

कांग्रेसको विभाजनपछि उनी नेपाली काँग्रेस प्रजातान्त्रिकको सभापति बनेका थिए । नेपाली कांग्रेस र कांग्रेस प्रजातान्त्रिकको २०६३ मा एकतापछि उनी नेपाली कांग्रेसको वरिष्ठ नेता भए ।

उनी अहिले डडेल्धुरा जिल्लाबाट ६औँ पटक प्रतिनिधि सभामा निर्वाचित भए । डडेल्धुरामा वाम गठबन्धनका साझा उम्मेदबार तथा माओवादी केन्द्रका केन्दीय सचिवालय सदस्य खगराज भट्ट करिब ६ हजा ९२९ मतले पराजित भए ।

डडेल्धुरा जिल्लामा रहेका कुल मतदाता संख्या ८१ हजार ७३२ मध्ये खसेको मत ५३ हजार २०१ र सदर मत ५० हजार ३१५ मत मध्ये देउवाले २८ हजार ४४ मत प्रप्त गरेका थिए ।

उनका निटतम प्रतिद्वन्दी वाम गठबन्धनका उम्मेदबार भट्टले २१ हजार ११५ मत पाएका थिए । यस्तै राष्टिय जनमोर्चाका ललाबहादु जाग्रीले १०३ मत, दलित पार्टीका रमेश ताम्राकारले ८२ मत, राट्रिय मुक्ति आन्दोलका लक्ष्मीदत्त भट्टले ८३८ र स्वतन्त्रका कर्णसिंह रावलले १३४ मत प्राप्त गरेका थिए ।