डा. केसीलाई आमरण अनशन तोड्न सरकारको आग्रह
सारांश
- श्रावण २०, २०७४ चिकित्सा शिक्षा सुधारको माग गर्दै ११ औ पटक सत्याग्रहमा रहेका प्राध्यापक डा गोबिन्द केसीलाई आमरण अनसन तोड्न सरकारले आग्रह गरेको छ ।
- चिकित्सा शिक्षा विधेयक संसदमा छलफलको क्रममा रहेको भन्दै सरकारले डा केसीको माग अनुसार माथेमा आयोगको प्रतिवेदन प्रतिकुल नहुने गरि विधेयक पारित गर्ने आश्वासन दिएको छ ।
- सरकारी वार्ता टोलीका संयोजक समेत रहेका शिक्षा सचिव शान्तबहादुर श्रेष्ठले प्रधानमन्त्री सहित प्रमुख दलका शीर्ष नेताहरु सहितको बैठकले डा केसीलाई आमरण अनसन तोड्न आग्रह गर्ने निर्णय गरेको जानकारी दिनुभयो ।
श्रावण २०, २०७४ चिकित्सा शिक्षा सुधारको माग गर्दै ११ औ पटक सत्याग्रहमा रहेका प्राध्यापक डा गोबिन्द केसीलाई आमरण अनसन तोड्न सरकारले आग्रह गरेको छ । चिकित्सा शिक्षा विधेयक संसदमा छलफलको क्रममा रहेको भन्दै सरकारले डा केसीको माग अनुसार माथेमा आयोगको प्रतिवेदन प्रतिकुल नहुने गरि विधेयक पारित गर्ने आश्वासन दिएको छ ।
सरकारी वार्ता टोलीका संयोजक समेत रहेका शिक्षा सचिव शान्तबहादुर श्रेष्ठले प्रधानमन्त्री सहित प्रमुख दलका शीर्ष नेताहरु सहितको बैठकले डा केसीलाई आमरण अनसन तोड्न आग्रह गर्ने निर्णय गरेको जानकारी दिनुभयो । माग सम्बोधनमा सरकार गम्भीर नभएको भन्दै डा. केसीका प्रतिनिधिले वार्तामा नबस्ने अडान लिएपछि प्रधानमन्त्री शेरबहादुर देउवाले समस्या समाधानका लागि प्रमुख दलका शीर्ष नेता सहित सरोकारवाला निकायको संयुक्त बैठक बोलाउनुभएको थियो ।
बैठकमा सहभागि दलका शीर्ष नेताहरुले चिकित्सा शिक्षा विधेयक संसदमा छलफलको क्रममा रहेको भन्दै एक ब्यक्तिले अनसन बसेर सार्वभौम संसदलाई चुनौती दिन नमिल्ने धारणा राखेका थिए । शिक्षा सचिव श्रेष्ठका अनुसार बैठकले सार्वभौम संसदलाई एक ब्यक्तिले अनसन बसेर चुनौती दिन नमिल्ने निष्कर्ष समेत निकालेको छ । चिकित्सा शिक्षा ऐन पारितको माग गर्दै ११ औ पटक आमरण अनसनमा बसेका डा केसीको स्वास्थ्य अवस्था गम्भीर बन्दै गएको छ ।
जारी अनसन १२ आंै पुग्दापनि सरकारी पक्षसँग ठोस सहमतिको संकेत देखिएको छैन । केसीको शरिरमा पानी र ग्लोकुजको मात्रा घट्दै गएको, तथा रिंगटा लाग्ने, छाती दुख्ने लगायतका समस्या देखिएको निगरानी गरिरहेका चिकित्सकले बताएका छन् ।
प्रतिक्रिया