डिआइजीहरुको सरुवा, को कहाँ भए नाम सहित…

काठमाडौं, २४ वैशाख – सशस्त्र प्रहरी बलमा ८ जना डिआइजीको सरुवा एकैपटक सरुवा गरिएको छ । चारवटा बाहिनी इन्चार्जविहिन रहेका कारण सरुवा गरिएको सशस्त्र प्रहरी स्रोतले जनाएको छ ।

सरुवा गरिएको सूचि अनुसार मन्दिप श्रेष्ठलाई सुनसरीस्थित बराह बाहिनी, डिआईजी चिरन्जीवी अधिकारीलाई पोखरा मुक्तिनाथ बाहिनी, नगेन्द्र थापालाइ दीपायल वैद्यनाथ बाहिनी र राजुराम सुवाललाई सुर्खेतमा रहेको महेश्वरी बाहिनीमा सरुवा गरिएको छ।

त्यसैगरी डिआईजी सुरज कुमार श्रेष्ठलाई आईजिपीको सचिवालय, बाबुराम पाण्डे मद्दती सेवा निर्देशनालय, खड्ग राई महानगरीय सशस्त्र प्रहरीको कार्यालय र बसन्तकुमार बानियाको कार्य विभागमा सरुवा भएको छ।

सशस्त्रमा तीन महिनाअघि बढुवा भएका ५ एआईजीको अझै पदस्थापदन भएको छैन। प्रदेशमा पदस्थापनका लागि भन्दै दरबन्दी थपेर एआईजी बढुवा गरिएको थियो।