तेस्राे पटक ‘हेरा फेरी’ गर्दै अक्षय

बलिउड फिल्म निर्माता आदित्य चोपडा धूम सेरिजको चौँथो शृङ्खला धूम ४ ठूलो बजेटमा बनाउन चाहन्छन् । उनी फिल्मलाई नयाँ दिशा चाहन्छन् । त्यसैले धूमका अहिले सम्मका रेगुलर कलाकार अभिषेक बच्चन र उदय चोपडालाई हटाइ नया कलाकार लिँदैछन् ।

धूम सिरिजमा भिलेनको रोल निकै महत्वपूर्ण रहने गर्छ । पहिलो भागमा भिलेनको भूमिकामा जोन अब्राहम देखिएका थिए भने दोस्रो र तेस्रोमा क्रमश ऋतिक रोशन र आमिर खान देखिएका थिए । धूममा हिरोलाई भन्दा भिलेनलाई बढी महत्वका साथ प्रस्तुत गरिन्छ र दर्शकले त्यसैलाई बढी रुचाएको पनि पाइन्छ । यस्तोमा धूम ४ मा भिलेनको भूमिका कसले निर्वाह गर्छ भन्ने कुरा सबैको चासोको विषय हो । धु्मको अर्को विशेषता भनेको मुख्य भूमिकामा रहेको कलाकार पुनः नदोहोरिनु हो ।

निर्माता चोपडाले धूमको यो भाग पनि उत्कृष्ट बनाउने सोचमा मुख्य भूमिकामा सलमान खानलाई राख्न प्रस्ताव गरेका थिए । तर सलमानले धूम ४ को अफर बहिष्कार गरिदिएका छन् । खासमा सलमानलाई नेगेटिभ रोल गर्न मन पर्दैन । धूम ४ मा मुख्य रोल भनेकै नेगेटिभ छ । सलमानले खलपात्रको भूमिका निर्वाह गरेको खण्डमा उनको छविमाथि नकारात्मक असर पर्ने उनलाई डर छ ।
प्रश्न यहाँ उठ्छ कि सलमानले फिल्म नखेलेको अवस्थामा त्यो भूमिकामा को फिट को हुन्छ । स्रोतका अनुसार धूम ४ का लागि अर्का खान सुपरस्टार शाहरुखलाई लिइने भएको छ । यस भन्दा अघि पनि धेरै फिल्ममा खलनाएकको भूमिकामा देखिएका शाहरुखलाई यो रोलबाट कुनै आपत्ति नरहने अनुमान लगाइएको‍ छ । यस्तो भएको खण्डमा शाहरुख र धूमका दर्शकलाई खुशीको खबर हुनेछ । रोमान्स किङ्ग भनेर पनि चिनिने शाहरुख एक्शनका पनि महारथि मानिन्छन् ।