थप सुन ल्याएको आशंकामा राजस्वले लियो ६ वटा बाकस नियन्त्रणमा

काठमाडौँ । एक सय किलोभन्दा बढी सुन तस्करी गरेर ल्याउने रेडी टेड्र कम्पनी र दोलखा इलेक्ट्रिक’को नाममा आएको थप शंकास्पद सामान त्रिभुवन विमानस्थल भन्सार कार्यालयबाट राजस्व अनुसन्धान विभागको टोलीले नियन्त्रणमा लिएको छ ।

राजस्व अनुसन्धान विभागको टोलीले ६ वटा बाकस नियन्त्रणमा लिएको हो । उक्त सामान अनुसन्धानका लागि राजस्व अनुसन्धान विभागको टोलीलाई जिम्मा लगाइएको त्रिभुवन विमानस्थल भन्सार कार्यालयले जानकारी दिएको छ ।

यसअघि त्रिभुवन अन्तर्राष्ट्रिय विमानस्थलबाट बाहिरिएको करिब १ सय किलो सुन ल्याउने कम्पनी रेडी ट्रेड प्रालिको नाममा थप सामान भेटिएसँगै थप अवैध सुन ल्याएको आशंका गरिएको छ ।

असार ३० मा हङकङकबाट क्याथे प्यासेफिकको उडानमार्फत रेडी ट्रेडले ‘ब्रेक प्याड’ भनेर ल्याएको सामानमा सुन भेटिएको थियो । त्यसबारे सशस्त्र प्रहरीको सहयोगमा राजस्व अनुसन्धान विभागले अनुसन्धान गरिरहेको छ ।

बरामद गरिएको शंकास्पद सामान खेलैना जस्तो देखिएको र त्यसमा सुन भएको आशंका गरिएको राजस्व अनुसन्धान विभागका एक कर्मचारीले बताए ।