दशैंमा सजिलै घर जाने ? त्यसो भए यातायात व्यवसायी महासंघले गर्यो यस्तो व्यवस्था
सारांश
- काठमाडौं, ८ असोज ।
- दशैंमा घर जाँदै हुनुहुन्छ ?
- जाँदै हुनुहुन्छ भने त्यो बेला टिकट नपाइन सक्छ ।
काठमाडौं, ८ असोज । दशैंमा घर जाँदै हुनुहुन्छ ? जाँदै हुनुहुन्छ भने त्यो बेला टिकट नपाइन सक्छ । त्यसकारण नेपाल यातायात व्यवसायी राष्ट्रिय महासंघले मंगलबार ९ गतेदेखि नै दशैंका लागि अग्रिम टिकट बुकिङ खुल्ला गर्ने निर्णय गरेको छ ।
महासंघको सोमबार बसेको कार्यसम्पादन सचिवालयको बैठकले हाल सञ्चालनमा रहेका गाडीबाटै यात्रुहरुलाई ओसार्ने गरी अग्रिम टिकट बुकिङ खुल्ला गरिएको महासचिव सरोज सिटौलाले जानकारी दिए । सिटौलाका अनुसार सार्वजनिक यातायातमा १० प्रतिशत भाडा बढाउने सरकारको निर्णय लागू गराउन सोमबारबाटै देशभर पत्राचार गरिएको जानकारी दिए ।
“सरकारले बढाएको भाडाअनुसार नै दशैंका लागि अग्रिम टिकट बुकिङ खुल्ला गर्ने निर्णय भएको छ”, सिटौलाले भने । सिटौलाका अनुसार यातायात व्यवस्था विभागबाट भाडा बढेको पत्र आजै प्राप्त भएकाले त्यही अनुसार भोलिबाट टिकट बुकिङ खुलाइएको हो ।
महासंघले अग्रिम टिकट बुकिङ खुल्ला गरेसँगै प्रभावकारी अनुगमनका लागि विभिन्न समिति पनि गठन गरेको छ । सिटौलाका अनुसार यात्रुलाई सहजरुपमा गन्तब्यमा पु¥याउनका लागि देशमै रहेका सवारी साधनका प्रयोग हुनेछन् ।
महासचिव सिटौलाका अनुसार यसपालि नयाँ गाडी थपिने छैनन् । सिटौलाले भने, “अहिले सञ्चालनमै रहेका गाडीलाई बढीभन्दा बढी प्रयोग गरेर यात्रुहरुलाई उनीहरुका घर गाउँसम्म पुराउने छौं ।”
प्रतिक्रिया