दिनदहाडै लुटियो ९ लाख
सारांश
- महोत्तरीका व्यापारी रामकुमार साहको नौ लाख रुपैयाँ लुटिएको छ ।
- भंगाहा नगरपालिका ५ का व्यापारी साहले धनुषाको महेन्द्रनगरस्थित राष्ट्रिय वाणिज्य बैंकबाट पैसा लिएर घरतर्फ आउँदै गर्दा उनको पैसा लुटिएको हो ।
- सितापुर बजारमा आइएमई सञ्चालन गर्दै आएका साह घरतर्फ जाँदै गर्दा महोत्तरी र धनुषाको सीमामा पर्ने बिग्हीपुलमा हतियारधारी ४ जनाबाट लुटिएका हुन् ।
महोत्तरीका व्यापारी रामकुमार साहको नौ लाख रुपैयाँ लुटिएको छ । भंगाहा नगरपालिका ५ का व्यापारी साहले धनुषाको महेन्द्रनगरस्थित राष्ट्रिय वाणिज्य बैंकबाट पैसा लिएर घरतर्फ आउँदै गर्दा उनको पैसा लुटिएको हो । सितापुर बजारमा आइएमई सञ्चालन गर्दै आएका साह घरतर्फ जाँदै गर्दा महोत्तरी र धनुषाको सीमामा पर्ने बिग्हीपुलमा हतियारधारी ४ जनाबाट लुटिएका हुन् ।
मोटरसाइकलबाट घर फर्कंदै गरेका साहको पिछा गर्दै दुईवटा मोटरसाइकलमा आएका चारजनाले अगाडिबाट बाटो छेकेर साथमा रहेको नौ लाख रकम लुटेर लगेका पीडितको भनाइ छ । ३ बजे लुटेराहरुले बाटो छेकेर पेस्तोल देखाउँदै रकम लगेको साहले बताए ।
घटनालगत्तै सीतापुर प्रहरी चौकी र सशस्त्र प्रहरी बेस क्याम्प भङ्गाहाबाट सुरक्षाकर्मी घटनास्थल पुगे पनि लुटेरा भागेकाले अहिलेसम्म पक्राउ गर्न नसकिएको जिल्ला प्रहरी कार्यालय महोत्तरीले जनाएको छ ।
प्रतिक्रिया