दिप (चिहान) पहिला कि घर?

काठमाडाै, २६ मंसिर। प्रस्तुत फोटोमा वरपर घरैघरको माझमा एउटा चिहान देखिएको छ । यहां मान्छेहरुको भिडभाड पनि देखिन्छ । यो कुनै चलचित्र निर्माण छायाँकनको लागि बनाइएको नक्कली स्थल हैन । बरु, काठमाण्डौको वडा नं. ७ स्थित चावहिलको वास्तविक स्थान हो ।

करिव १ हप्ता अगाडी यसै स्थानमा मुर्दा जलाउने क्रममा मुर्दा जलाउने पक्ष र घरवासी विच झडप हुनगई तनावनै श्रृजना भएको थियो । यस्तो तनावको स्थिति यो भन्दा पहिला पनि पटक पटक भई सकेको अवस्था छ । यसरी पटक पटकको तनाव तथा विवादका कारण यो स्थानमा दिप (चिहान) पहिला कि घर? प्रश्न खडा गरेको छ । सामान्यतया घरवस्ति भएको ठांउमा पछि कसैले आएर चिहान वनाउने आंट गर्नै सक्तैन । त्यसैले यो स्थानमा प्राचिन काल देखिनै चिहान रहेको भन्ने सर्वसाधारणको ठहर छ । त्यसैले चिहान रहेका ठांंउमा कसरी आधुनिक घर बन्यो, कसले बनाउन दियो भन्नेमा पनि गम्भिर प्रश्नहरु उठिसकेका छन । प्रश्न उठ्नु स्वाभाविक पनि छ ।

यहांका चिहानहरुमा विशेष गरि चावहिल क्षेत्रका रैथाने शाक्य तथा महर्जन, डंगोल जातीले मुर्दा पोल्ने गर्दै आएका छन् । यसै सन्दर्भमा समस्या समाधानका लागि आज बुधबार ११.३० बजे चावहिलस्थित चारुमती विहारमा बृहत जनसमुदायको उपस्थित हुदैछ ।
प्रस्तुतीः गणेश शाक्य