दुर्घटना न्यूनिकरण गर्न कन्भेक्स मिरर
सारांश
- सडक डिभिजन कार्यालय बागलुङ र जिल्ला ट्राफिक कार्यालय पर्वतको सहकार्यमा पोखरा बागलुङ राजमार्गको पर्वत खण्डमा कन्भेक्स मिरर राखिएको छ ।
- सडकमा सवारी चाप सँगै साँघुरो सडक र घुम्तीहरु बढी भएका कारण दुर्घटना बढ्दै गएपछि सडकका विभिन्न स्थानमा कन्भेक्स मिरर राखिएको हो ।
- कन्भेक्स मिरर सडकका घुम्ती र मोडहरुमा राखिने ऐना हो ।
सडक डिभिजन कार्यालय बागलुङ र जिल्ला ट्राफिक कार्यालय पर्वतको सहकार्यमा पोखरा बागलुङ राजमार्गको पर्वत खण्डमा कन्भेक्स मिरर राखिएको छ । सडकमा सवारी चाप सँगै साँघुरो सडक र घुम्तीहरु बढी भएका कारण दुर्घटना बढ्दै गएपछि सडकका विभिन्न स्थानमा कन्भेक्स मिरर राखिएको हो ।
कन्भेक्स मिरर सडकका घुम्ती र मोडहरुमा राखिने ऐना हो । जसबाट सडकका घुम्तीहरुमा विपरित दिशाबाट आएको सवारी साधन देख्न सकिन्छ ।पर्वत र कास्कीको सिमाना नयाँपुल देखि म्याग्दीको बेनी बजार सम्म विभिन्न स्थानमा गरी २३ वटा कन्भेक्स मिरर जडान गरिएको जिल्ला ट्राफिक कार्यालय पर्वतले जनाएको छ । विशेष गरी सडकको असुरक्षित स्थानमा प्राथमिकताका साथ कन्भेक्स मिरर राखिएको जिल्ला ट्राफिक कार्यालय पर्वतका प्रमुख महेन्द्र रानाभाटले जानकारी दिए ।
सडक डिभिजन कार्यालय बागलुङको सडक सुरक्षा कार्यक्रम अन्तर्गत पोखरा बागलुङ सडक खण्ड र मालढुंगा बेनी सडक खण्ड गरी ३० वटा कन्भेक्स मिरर राखिएको सडक डिभिजन कार्यालय बागलुङका प्रमुख थानेश्वर खत्रीले जानकारी दिए ।
प्रतिक्रिया