दोस्रो खेलमा नेपालले कमब्याक गर्ला?

काठमाडौं । अन्तर्राष्ट्रिय एकदिवसीय क्रिकेटको मान्यता पाएपछि आफ्नो दोस्रो सीरिज खेलिरहेको नेपाल शुक्रबार प्रतिस्पर्धी यूएईभन्दा कमजोर देखियो । यूएईको दबईस्थित आईसीसी एकेडमी मैदानमा नेपालले टस हारेर पहिला ब्याटिंगको निम्तो पाएपछि नेपालको हार त्यति बेलौ अनुमान गरिएको थियो ।

किनकी सो मैदानमा बिहानी शत्रमा पीच ओसिलो हुने र फास्ट बलरका लागि ड्रिम पीच हुने बताइन्छ । त्यसैल पनि यूएईका कप्तान नाभेदले टस जितेपछि नेपाललाई ब्याटिंगको निम्तो दिए ।

नाभेदको निर्णय उनका बलरहरु सही सावित गर्दा नेपाली ब्याटिंग लाइन भने धराशायी बन्यो । जम्मा ३३ ओभर ५ बल टिकेको नेपालले ११३ रनमात्र बनाउन सक्यो । त्यो मध्ये धेरै जसो रन पनि अन्तिमका ब्याट्सम्यानहरुले बनाए । बलर सोमपाल कामीले शुक्रबार फ्रन्टलाईनमा ब्याटिंग गर्दै सबैभन्दा धेरै ३० रनको योगदान दिँदा स्पीनर सन्दीप लामिछानेले पनि १५ रनको योगदान दिए ।

विशषज्ञ ब्याट्सम्यानका रुपमा टीममा समावेस गरिएका ज्ञानेन्द्र मल्ल, विनोद भण्डारी, दिपेन्द्र सिंह ऐरी र स्वयम कप्तान पारस खड्काले ब्याटिंगमा कुनै योगदान दिन सकेनन् । त्यसैले पनि शुक्रबारको खेल नेपालले हार्नुको मुख्य कारण ब्याटिंग नै रह्यो ।

ब्याटिंग चल्न नसकेपछि नेपालले बलिंगबाटमात्र जित्न सम्भवन थिएन र जितेन पनि । नेपाल ३ विकेटले पराजित हुन पुग्यो । शुक्रबारको खेलमा नेपालका थुप्रै कमजोरी देखिए ती मध्ये ब्याटिंग र खेलाडीको समायोजन नै मुख्य समस्या देखियो । फास्टबलरका लागि सहयोगी पीचमा कप्तान पारसले तीन जना विशषज्ञ स्पीनरका साथ मैदानमा उत्रिने निर्णय लिनु नै गलत थियो ।

किनकी स्पीनरको आवश्यकता परे स्वयम पारस पनि पार्ट टाइम स्पीनरको भूमिका खेल्न सक्ने एडभान्टेज थियो । फास्टबलरका लागि सहयोगी पीच  भएकाले उनले शुक्रबार मिडियम फास्ट बलिंग गरे ।

पुरा खेल भर यसै खेलबाट आडिआई डेब्यू गरेका ललित नारायण राजवंशीले एक ओभर पनि बलिंग गरेनन् भने बसन्त रेग्मीलाई टीममा राख्नुको उपयोगिता पनि देखिएन । त्यसैले नेपालले परम्परागत आफ्नो कमजोरीलाई बलियो बनाउन ब्याटिंग लाइन नै बलियो बनाउनु पथ्र्यो । त्यस्तो नहुँदा शुक्रबार नेपालले जित्न सक्ने खेल पनि गुमायो । १५० रन भन्दा माथिको लक्ष्य भएको भए नेपालको जित्ने सम्भावना बढ्ने अवस्था बलरहरुले बनाइदिएका थिए । यद्यपी स्कोर न्यून हुँदा उत्कृष्ट बलिंग हुँदा पनि नेपाल पराजित हुन पुग्यो ।

शुक्रबारको खेलअनुसार नेपालले शनिबार आफ्नो रणनीतिलाई केही परिवर्तन गर्न आवश्यक छ । नेपाली टीममा अलराउण्डरको कमी छैन। त्यसैले पनि ब्याटिंग लाइन बलियो बनाउने गरि प्लेइंग सूची बनाउनुपर्ने देखिन्छ । यस्तै रोहित पौडललाई टीममा समावेस गर्दा ब्याटिंग लाइन बलियो बन्छ भने बलिंगको पनि अप्शन हुन्छ । त्यसैले पनि ब्याटिंग लाइन सुधार गर्नुपर्ने देखिन्छ ।

शुक्रबारको खेलमा नेपालका लागि सबै चिज प्रतिकुल हुँदा यूएईको कमजोरी पनि खुलेको छ। यूएईको पनि ब्याटिंग लाइन कमजोर देखिएको छ। त्यसैले पनि नेपालले उनीहरुको कमजोरीअनुसार नै रणनीति बनाउनुपर्ने देखिन्छ ।

शनिबार नेपाले कमब्याक गर्न सक्यो भने एक ऐतिहासक सफलताको ढोका नजिक पुग्नेछ ।