जिप दुर्घटनामा एक जनाको मृत्यु, १६ घाइते
सारांश
- गुल्मी ।
- गुल्मीमा भएको जिप दुर्घटनामा एक जनाको मृत्यु भएको छ भने १६ जना घाइते भएका छन् ।
- जिप दुर्घटनामा परी इस्मा गाउँपालिका– २ पालुखाका १४ वर्षीय विमल केसीको मृत्यु भएको हो ।
गुल्मी । गुल्मीमा भएको जिप दुर्घटनामा एक जनाको मृत्यु भएको छ भने १६ जना घाइते भएका छन् ।
जिप दुर्घटनामा परी इस्मा गाउँपालिका– २ पालुखाका १४ वर्षीय विमल केसीको मृत्यु भएको हो । इस्मा गाउँपालिका– २ छल्दी पनाहा नजिकै बुधबार साँझ जिप दुर्घटना भएको थियो ।
डबल क्याप भएको लु १ च ७३७० नं जिप दुर्घटना हुँदा गम्भीर घाइते भएका केसीको उपचारका लागि तम्घास ल्याउने क्रममा बाटोमै मृत्यु भएको जिल्ला प्रहरी कार्यालय गुल्मीले जनाएको छ ।
जिप जिल्ला सदरमुकाम तम्घासबाट पालुखातर्फ जाँदै गरेको थियो । बलीथुमबाट पूर्णिमा मेला हेरेर फर्किने जिपमा यात्रु धेरै चढेका थिए । यात्रु बढी हुँदा उकालोमा ब्रेक फेल भएर दुर्घटना भएको जिल्ला ट्राफिक कार्यालय गुल्मीले जनाएको छ ।
कुल कमेन्ट:
0
Shikhar Khabar
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया