द्वन्द्वपीडितहरु काठमाडौंमा, संक्रमणकालीन न्याय टुंगाउन सरकारसँग आग्रह गर्दै
सारांश
- काठमाडौं ।
- विस्तृत शान्ति सम्झौताको १२ वर्ष पुग्नै लागेको छ ।
- सशस्त्र द्वन्द्वका पीडितहरू संक्रमणकालीन न्याय सल्टाउने बाटोमा जुट्न थालेका छन् ।
काठमाडौं । विस्तृत शान्ति सम्झौताको १२ वर्ष पुग्नै लागेको छ । सशस्त्र द्वन्द्वका पीडितहरू संक्रमणकालीन न्याय सल्टाउने बाटोमा जुट्न थालेका छन् ।
द्वन्द्वपीडितको साझा चौतारीले देशभरका पीडितहरुलाई आज काठमाडौंमा भेला गरी सम्मेलन गर्दैछ । सम्मेलनले ‘बडापत्र’ तयार गर्दैछ । चौतारीले राष्ट्रिय सम्मेलनमार्फत पीडितका
मागसहितका ‘बडापत्र’ सार्वजनिक गर्दै छिटो न्याय प्रक्रिया टुंगाउन सरकारसँग माग गर्दैछन्।
विस्तृत शान्ति सम्झौताले तय गरेका मार्गचित्रका आधारमा संक्रमणकालीन न्याय समाधान पहिल्याउन वडापत्र सार्वजनिक गर्न लागिएको द्वन्द्वपीडित साझा चौतारीका अध्यक्ष भागीराम चौधरीले बताए ।
सरकार र प्रमुख राजनीतिक दलको प्रतिवद्धतासहित संक्रमणकालीन न्याय टुंगाउनुपर्ने पीडितहरुको माग छ । अहिलेसम्म संक्रमणकालीन न्याय टुंगाउन राजनीतिक दल र सरकारले कुनैपनि प्रक्रिया अगाडि बढाउन नसकेको पीडितको गुनासो छ ।
प्रमुख सरोकारवाला पक्ष द्वन्द्वपीडित, सरकार, प्रमुख राजनीतिक दलसहितको सहमतिमा समग्र प्रक्रिया तय गरी निष्कर्ष निकाल्न लागिएको हो । एक दशक लामो सशस्त्र द्वन्द्वलाई शान्तिको बाटोमा रूपान्तरण गर्ने विस्तृत शान्ति सम्झौताको दिनलाई विशेष बनाउँदै पीडितहरू समाधानतर्फ जुटेका हुन् ।
प्रतिक्रिया