शेर्पा विद्यार्थी संघको १२औँ महाधिवेसन सम्पन्न, डेमा छिरिङ बनिन् नयाँ अध्यक्ष

नेपाल शेर्पा विद्यार्थी संघको अध्यक्षमा डेमा छिरिङ शेर्पा सर्वसम्मत चयन भएकी छन् । शनिबार सम्पन्न १२ औं राष्ट्रिय महाधिवेशनबाट सर्वसम्मतरुपमा डेमा छिरिङ अध्यक्ष चुनिएकी हुन् । उनको अध्यक्षतामा ४२ सदस्य सहितको नयाँ कार्य समिति चयन भएको छ ।

संघको बरिष्ठ उपाध्क्षमा पासाङ शेर्पा, महिला उपाध्यक्षमा ङिमा याङजी शेर्पा उपाध्यक्षहरुमा जिपछिरिङ शेर्पा, आङ टासी शेर्पा र महासचिवमा पासाङ शेर्पा, सचिव मिङमा डोल्मा शेर्पा, सोनाम शेर्पा, छिरिङ तथा कोषाध्यक्षमा आङ दावा शेर्पा र सह कोषाध्यक्षमा फुपु छोकी शेर्पा सहित बाँकी सदस्यहरु सर्वसम्मत चयन भए ।

संघीय राज्यको अभ्याससँगै शेर्पा विद्याथी संघले समेत स्थानीयतह, जिल्ला, प्रदेश र केन्द्रमा समिति विस्तार गरी देशभरका शेर्पाहरु एकिकृत भएका छन् । संघले शेर्पा विद्यार्थीहरुको हकहित, सुरक्षा, प्रोत्साहन, छात्रवृक्ति वितरण र सामाजिक न्यायका लागि क्रियाशिल संघले विभिन्न कार्यहरु गर्दै आएको छ । विद्यार्थी संघको स्थापना भएको दुई दशक भइसकेको छ । शेर्पा युवाहरुलाई शैक्षिक क्षेत्रमा सहभागिताका लागि संघले विविध कार्यक्रम गर्दै आइरहेको छ ।