धरानमा पत्रकार राईलाई कसले गर्यो रामधुलाई ?

इटहरीका मेयर द्वारिका चौधरीले पत्रकारलाई नाकको डाडीँ भाचिदिन्छु भनेको ४८ घण्टा नवित्दै धरानका एक पत्रकारमाथि आक्रमण भएको छ । धरानका सञ्चारकर्मी दिलबहादुर राईमाथि गएराति अपरिचित समूहले कार्यकक्षमा नै गएर आक्रमण गरेको छन् । धरान चत्तारा लाईनमा रहेको एक अनलाईन टेलिभिजनमा काम गरिरहेका बेला आफुमाथि एक्कासी आक्रमण भएको प्रहरीसमक्ष बताएका छन् । आक्रमणबाट राईको टाउकोमा गहिरो चोट लागेको छ । घाईते भएका राईलाई गएरातिनै विपी कोइराला बिज्ञान प्रतिष्ठान घोपा लगिएको थियो ।

उनको टाउकोमा ६ टाँका लगाइएको उपचारमा संलग्न डाक्टरहरुले बताएका छन् । राईमाथि आक्रमण गर्ने मध्येका एक फुर्वा शेर्पालाई पक्राउ गरिएको प्रहरीले जनाएको छ । केही दिन अघि मात्रै सुनसरीकै ईटहरी उपमहानगरपालिकाका मेयर द्वारिकालाल चौधरीले संचार कर्मीमाथि हातपात गर्ने धम्की दिंदै आएका थिए । त्यसको केही दिनमै यस्तो घटना भएको हो । मेयर चौधरीले इटहरीका पत्रकारलाई नाकको हड्डी भाँच्छु भन्दै धम्की दिएका थिए ।