छुट्टाछुट्टै ३ जना पक्राउ

हेटौंडा २१ जेठ – मकवानपुर प्रहरीले छुट्टाछुट्टै घटनामा फत्राउ गरेको छ । कर्तव्य मुद्दामा मकवानपुरबाट २०६९ साल चैत १९ मा १० बर्ष कैद सजाय तोकिएका जय बहादुर मोक्तानलाइ नियन्त्रणमा लिएको छ।

मकवानपुर कैलाश गाउँपालिका-५ गोगने बस्ने ३६ वर्षे मोक्तानलाई इलाका प्रहरी कार्यालय पालुङ्गबाट खटिएको टोलीले नियन्त्रणमा लिएको हो।

यसैगरी, पालुङ्ग सिमभन्ज्यांग प्रहरी चौकीले हेटौडा तर्फ जादै गरेको ना १ ज ५३६१ न को सुमोलाइ चेक जाँच गर्दा लुकाई छिपाई ल्याइएको लागु औषध सहित एकजनालाई पक्रेको छ । पक्राउ पर्नेमा वीरगंज उपमहानगरपालिका १२ बस्ने मनोजकुमार साहलाइ पक्राउ गरेको छ। प्रहरीले साहले खुट्टा र जुत्तामा लुकाई छिपाई ल्याएको अवस्थामा २ किलो ७०० ग्राम चरेस र ५० ग्राम गाजा बरामद गरेको जनाएको छ ।

त्यसैगरी पालुङ्गबाट हेटौडा तर्फ जाँदै गरेको ना ५ ख १०५३ न को बसमा चरेश फेला पारेको छ । हेटौडा उपमहानगरपालिका -१ बस्ने लक्ष्मन स्यान्तंगले प्लास्टिकको बोरामा लुकाई छिपाई ल्याइएको १४ किलो ४०० ग्राम चरेश बरामद भएको प्रहरीले जनाएको छ । फत्राउ गरिएकाहरुलाई आवश्यक अनुसन्धानको लागि इलाका प्रहरी कार्यालय पालुङ्ग पठाइएको मकवानपुर प्रहरी उपरिक्षक लोकेन्द्र श्रेष्ठले बताए । उपरिक्षक श्रेष्ठले लागु औषध र दुर्व्यसनी नियन्त्रणको लागि बिभिन्न विद्यालयमा गइ सचेतना सहित अभियान समेत संचालन गर्दै आएका छन् ।