धर्म वोल्ने कुरा होइन ,मनमा राख्ने हो :पूर्व राजा ज्ञानेन्द्र

सिमरामा रहेका पूर्व राजा ज्ञानेन्द पत्नी कोमलको जन्मदिन मनाउन चितवन गएका थिए । आफैले गाडी चलाएर पूर्वराजा ज्ञानेन्द्र पत्नी कोमलसहित चितवन पुगेका थिए ।

आइतवार उनी चितवनमा आयोजना भएको एक धार्मिक कार्यक्रममा सहभागी भए । फागुन ३ गतेबाट नारायणी नदिको किनारमा सुरु भएको विराट गोरक्षा महायज्ञमा सहभागी भएका थिए ।कार्यक्रममा सहभागी भएपछि उनले संचारकर्मीसँग छोटो कुरा पनि गरे । कुराकानीमा भने, ‘धर्म वोल्ने कुरा होइन ,मनमा राख्ने हो ।’
पूर्वराजा ज्ञानेन्द्रले बज्राचार्य, लामा र हिन्दु धर्मालम्वीले गरिरहेका छुट्टा छुट्टै हवन कुण्डमा हवन गरेका थिए । सो क्रममा उनले सम्वन्धित गुरुहरुसँग धार्मिक महत्वका विषयमा कुराकानी गरेको थिए ।

महायज्ञमा पूर्व राजा र रानीलाई भव्य स्वागत गरिएको थियो ।पुर्वराजा ज्ञानेन्द्रलाई फूलमाला र पञ्चेबाजासहित भव्य स्वागत गरेका गरिएको थियो । उनका समर्थकले ‘राजा आउ देश वचाउ’ भन्ने नारा पनि लगाए ।महायज्ञमा पूर्व राजाले एक लाख रुपैंया प्रदान गरेको आयोजकपक्षले जनाएको छ ।