निर्वाचित जनप्रतिनिधिहरुको लागि नेतृत्व विकास तालिम सम्पन्न
सारांश
- भक्तपुर, पुस २९ ।
- जागरण नेपालको आयोजनामा भक्तपुर नगरपालिकाका स्थानीय तहका निर्वाचित जनप्रतिनिधि लागि दुई दिने नेतृत्व विकास तालिम सम्पन्न भएको छ ।
- निर्वाचित जनप्रतिनिधिहरुको भूमिका, जिम्मेवारी तथा काम कर्तव्य अधिकारका विषय, नेतृत्व विकास जनवकालत जस्ता बिषयमा जानकारी पाई कार्यसम्पादनमा सहयोग पुर्याउने उद्देश्यले उक्त तालिको आयोजना गरिएको हो ।
भक्तपुर, पुस २९ । जागरण नेपालको आयोजनामा भक्तपुर नगरपालिकाका स्थानीय तहका निर्वाचित जनप्रतिनिधि लागि दुई दिने नेतृत्व विकास तालिम सम्पन्न भएको छ । निर्वाचित जनप्रतिनिधिहरुको भूमिका, जिम्मेवारी तथा काम कर्तव्य अधिकारका विषय, नेतृत्व विकास जनवकालत जस्ता बिषयमा जानकारी पाई कार्यसम्पादनमा सहयोग पुर्याउने उद्देश्यले उक्त तालिको आयोजना गरिएको हो ।
नयाँ संरचना अनुसार स्थानीय तहलाई प्रत्यायोनज गरेका अधिकारहरु, त्यसको कार्यान्वयनको प्रक्रिया सहित न्यायिक कानुनहरुका बारेमा जनाकारी गराइएको थियो । कार्यक्रममा दुई जना विषय विज्ञहरुद्वारा छुट्टाछुट्टै कार्यपत्र प्रस्तुत भएका थिए ।
सो अवसरमा सहभागी प्रतिनिधिहरुले उक्त तालिम आफुहरुको लागि पहिलो भएको र आफ्ना काम कर्तव्य र अधिकारका विषयमा स्प्रष्ट भनई अन्योल भई काम गर्न समेत अप्ठ्यारो परेको अवस्थामा उक्त तालिम ज्यादै फलदायक रहेको बताएका थिए । उनीहरुले यस्ता तालिमहरु समय समयमा संचालन गर्न अवश्यक रहेको भन्दै यसको निरन्तरताको माग समेत गरेका थिए ।
कार्यक्रम भक्तपुर जिल्ला क्षेत्र नं. २ का प्रतिनिधिसभा सदस्य महेश बस्नेतको प्रमुख आतिथ्यता तथा जागरण नेपालका अध्यक्ष सम्झना पोखरेलको अध्यक्षतामा कार्यक्रम सम्पन्न भएको थियो ।
कार्यक्रममा बोल्दै प्रमुख अतिथि बस्नेतले सहभागी जनप्रतिनिधिहरुलाई राष्ट्रको समृद्धिको लागि क्रियाशिल रहन र स्थानीय नागरिकहरुलाई सहज रुपमा सेवा प्रदान गर्न समेत सुझाव दिएका थिए । कार्यक्रमका सहभागीहरुलाई प्रमाण पत्र समेत वितरण गरिएको थियो ।
प्रतिक्रिया