निवर्तमान सभामुख कृष्णबहादुरले फिर्ता गरे सरकारी सुविधा

निवर्तमान सभामुख कृष्णबहादुर महराले सरकारबाट लिदै आएको सुरक्षा र गाडीको सुविधा फिर्ता गरेका छन् । महराका सञ्चारविज्ञ डिल्ली मल्लले निवर्तमान सभामुखसँग रहेका आर्मी र प्रहरी फिर्ता भएको जानकारी दिए । महराको सुरक्षाका लागि क्याप्टेनको नेतृत्वमा १७ सैनिक र प्रहरी निरीक्षकको नेतृत्वमा ११ जना प्रहरी सुरक्षामा तैनाथ थिए ।

गाडी भने संसद सचिवालयको सवारी शाखालाई बुझाइएको मल्लले बताए । सभामुखको हैसियतमा महराले बा२झ १२६८ नम्बरको गाडी चढ्दै आएका थिए । उक्त गाडीलाई बिहिबार दिउँसो संसद सचिवालय अन्तर्गतको सवारी शाखालाई बुझाएको जनाइएको छ । संसद सचिवालयमै कार्यरत कर्मचारीले यौन दुव्र्यवहारको आरोप लगाएपछि महराले राजीनामा दिएका थिए ।

महराले बालुवाटारस्थित सरकारी भवन पनि अर्को डेरा पाउने बित्तिकै छोड्ने महराका सञ्चारविज्ञ मल्लले बताए ।