ओली र दाहालले गरेकाे अनुराेध अस्विकार गरे नारायणकाजीले

काठमाडौँ, २३ साउन । केहि दिन अघि पार्टी प्रवक्ता बाट राजीनामा घाेषया गरेका नेकपाका नेता नारायणकाजी श्रेष्ठले अाफ्नाे राजीनामा फिर्ता लिन अस्विककार गरेका छन् ।  राजीनामा फिर्ता लिने सन्दर्भमा पार्टी अध्यक्षहरू प्रधानमन्त्री केपी शर्मा ओली र पुष्पकमल दाहाल प्रचण्डले गरेको अनुरोध नेकपाका नेता नारायणकाजी श्रेष्ठले अस्वीकार गरेका हुन्।

तर, उनको राजीनामा स्वीकृत भने भएको छैन । बुधबार प्रधानमन्त्री निवास बालुवाटारमा बसेको नेकपा सचिवालय बैठकमा ओली–प्रचण्डले श्रेष्ठलाई राजीनामा फिर्ता लिन आग्रह गरेका थिए । तर श्रेष्ठले राजीनामा फिर्ता लिन अस्वीकार गरेका बैठकमा सहभागी एक नेताले जानकारी दिए ।

‘मैले आन्दपूर्वक दिएकोले राजीनामा फिर्ता गर्ने कुरा आउँदैन,’ श्रेष्ठले बैठकमा भने, ‘बरु सचिवालयले जे निर्णय गर्छ त्यसमा म सहमत नै हुनेछु ।’ डा. गोविन्द केसीले अनशन बसेको बेलामा गोविन्द केसीको अनशनलाई सहयोग पुग्ने गरी बोलेको र सरकारलाई प्रतिकुल असर गर्ने गरी व्यवहार गरेको भन्दै साउन ७ गते बसेको सचिवालय बैठकमा ओली–प्रचण्डले श्रेष्ठलाई मौखिक स्पष्टिकरण सोधेका थिए ।

त्यस लगत्तै श्रेष्ठले राजीनामा दिएका थिए । गोविन्द केसीका मागहरु ठीक भएकोले ती मागहरु सम्बोधन हुनुपर्छ भन्ने धारणा उनले राखेका थिए । नेकपाको बैठक बिहीबार पनि बस्ने छ ।

(Felbatol)