नेकपाले बल्ल प्रदेश कमिटीका सदस्यको नाम टुंगायो
सारांश
- काठमाडौं ।
- पार्टी एकीकरण भएको लामो समयपछि नेपाल कम्युनिष्ट पार्टी (नेकपा)को सचिवालय बैठकले ७ वटै प्रदेश कमिटीमा रहने सदस्यको नाम टुंगो लगाएको छ ।
- तत्कालीन नेकपा एमाले र माओवादीबीच पार्टी एकता भएको लामो समय भए पनि अझै तल्लो तहसम्म एकता हुन सकेको थिएन ।
काठमाडौं । पार्टी एकीकरण भएको लामो समयपछि नेपाल कम्युनिष्ट पार्टी (नेकपा)को सचिवालय बैठकले ७ वटै प्रदेश कमिटीमा रहने सदस्यको नाम टुंगो लगाएको छ । तत्कालीन नेकपा एमाले र माओवादीबीच पार्टी एकता भएको लामो समय भए पनि अझै तल्लो तहसम्म एकता हुन सकेको थिएन ।
प्रधानमन्त्री निवास बालुवाटारमा बुधबार रातिसम्म बसेको बैठकले ७ वटै प्रदेश कमिटी एकीकरणको टुंगो लगाएको हो । सबै प्रदेश सदस्यको नामावली एकैसाथ आज बिहीबार सार्वजनिक गरिने तयारी भएको प्रवक्ता नारायणकाजी श्रेष्ठले बताएका छन् । बैठकले यसअघि प्रदेश कमिटी अध्यक्ष, सचिव, इञ्चार्ज र सहइञ्चार्ज भने तोकिसकेको छ ।
केन्द्रीय समितिका सदस्यको कार्यविभाजन, जनवर्गीय संगठन एकीकरण, जिल्ला समितिका मुख्य नेतृत्व चयन प्रक्रिया अगाडि बढाइने बताइएको छ ।
पार्टीमा स्थानीय तहसम्मको एकता अझै टुंगिन सकेको छैन । स्थायी कमिटी बैठक लामो समयसम्म नबस्दा सरकार र दलबीच समन्वय हुन नसकेको वैठकमा आवाज उठेको थियो । प्रदेश कमिटी पछि गाउँपालिका, नगरपालिकाहरुमा पार्टी एकता प्रक्रिया अघि बढाइने सचिवालय वैठकले जनाएको छ ।
प्रतिक्रिया