नेपाली काग्रेसले गुल्मीमा विजयी शुरुवात गरेको छ ।

जिल्लाको गुल्मी दरवार गाउँपालिकामा नेपाली काग्रेसले प्रमुख उपप्रमुख सहित ४ वडा जित्दै विजयी शुरुवात गरेको हो । नेपाली काग्रेसबाट गाउँपालिका प्रमुखका उम्मेदवार अशोक थापाले ५ हजार ५ सय ७५ मत ल्याएर विजयी भएका छन । त्यस्तै उपप्रमुखमा काग्रेसकै मिना भण्डारीले ५ हजार ६ सय ८ मत ल्याएर विजयी भएकी छिन । प्रमुखका निकटम प्रतिद्धन्दी नेकपा एमाललेका कृष्ण बहादुर भुसालले ४ हजार ७ सय ५० र उपप्रमुखमा एमालेकी शुसिला पुनले ४ हजार ७ सय १८ मत ल्याएकी छिन । गाउँपालिकामा रहेका ७ वडामा १ , २ र ४ वडामा नेकपा एमालेको प्यानल विजयी भएको छ भने ३, ५ , ६ र ७ मा नेपाली काग्रेसको प्यानल नै विजयी भएको जानकारी जिल्ला निर्वाचन कार्यलय गुल्मीले जानकारी दिएको छ । जिल्लाका अधिकाशं स्थानीय तहमा नेकपा एमाले अगाडि रहेको छ । अहिलेसम्म आएको परिणाम अनुसार वडाहरुमा पनि एमालेको बहुमत आएको छ ।