नेपाल मेरो घर भन्दै आए उदित नारायण पुत्र आदित्य

गायक आदित्य नारायण झा शनिबार बेलुकी ठमेलको क्लब फरेनहाटइमा आयोजना हुन लागेको ‘आदित्य नारायण झा लाइभ इन नेपाल’ कार्यक्रममा सहभागी हुन नेपाल आइपुगेका छन् । त्रिुभवन विमानस्थलमा संचारकर्मीसँग कुराकानी गर्दै उनले नेपाललाई आफ्नो घर भने । क्यामेराको अगाडि नमस्ते गर्दै मुस्काएका आदित्यले बुबा उदितनारायण झाले गाएको हिट गीत ‘यो गाउँको ठिट्टो म’ पनि गाएर सुनाएका थिए ।

मिडियाकर्मीले नेपाल तपाइको घर कि मामाघर भनेर प्रश्न गर्दा उनले नेपाललाई आफ्नो घर भनेका थिए । आदित्यले भने–‘करिब ८ बर्षपछि म नेपाल आएको हुँ । एकदमै खुशी छु । म भोली जान्छु, यसैले अहिले खासै घुम्न पाउने छैन । नेपाली खाना म जे खुवाउनुहुन्छ खान्छु ।’

उनले अगाडि भने–‘मलाई माया गर्ने फ्यानहरु सबैलाई विशेष धन्यवाद ।’ उनी आज बेलुकी क्लब फरेनहाइटमा गुञ्जनेछन् । उनले, आफूले गाएका हिट बलिउड र नेपाली चलचित्रका गीत गाउने बताइएको छ । रातको ११ बजेपछि मात्र आदित्य स्टेजमा उक्लिने आयोजकले बताएको छ ।

उनी आफ्नो टिमसहित नेपाल आएका थिए । नेपालमा आदित्यको राम्रो क्रेज रहेकाले उनलाई नेपाल ल्याएको आयोजकले बताएको छ ।

यो पनि पढ्नुस्
५० लाख रुपैयाँ पुरस्कारको कमेडी च्याम्पियन हुँदै
गाईजात्राको अवसर पारेर आउँदो भदौदेखि कान्तिपुर टेलिभिजनबाट स्ट्यान्डप कमेडी कार्यक्रम ‘कमेडी च्याम्पियन’ प्रशारण हुने भएको छ । प्रतिष्पर्धात्मक यो कमेडी रियालिटी शोलाई ‘३ प्रोडक्सन’ले निर्माण गर्न लागेको हो ।

कार्यक्रमका निर्देशक विशाल भण्डारीका अनुसार यो प्रतियोगितामा अग्रज हास्यव्यंग्य अभिनेता सन्तोष पन्त, हास्य अभिनेता मनोज गजुरेल, अभिनेत्री ऋचा शर्मा र चलचित्र निर्देशक प्रदीप भट्टराई निर्णायक छन् । कुनै पनि बिदेशी हास्य कार्यक्रमको फ्रेञ्चाइज नभएको दावी निर्देशक भण्डारीले बताए । प्रतियोगितामा भाग लिन गुगल प्लेस्टोरमा गएर कमेडी च्याम्पियनको एप्स डाउनलोड गरी सम्पादन नगरिएको ३ मिनेटको स्ट्याण्ड अप कमेडी भिडियो पठाउनु पर्नेछ ।

नेपालबाट सहभागि हुनेले ३ मिनेट र नेपालबाहिरबाट ५ मिनटको भिडियो एप्समार्फत आयोजकलाई पठाउनु पर्नेछ । यसरी सहभागिले पठाएका भिडियोमार्फत निर्णयकले छनौट गरेका उत्कृष्ट प्रतिभाहरुले विभिन्न शहरमा हुने अडिसनमा सहभागि हुने अवसर पाउनेछन् ।

अडिसनबाट चयन भएकाहरु मध्ये उत्कृष्ट २५ बाट उत्कृष्ट १५ हँुदै उत्कृष्ट ३ लाई फाईनलमा उतार्ने पनि निर्देशक भण्डारीले जानकारी गराए । उत्कृष्ट तीनबाट दर्शकको भोट र निर्णायकको निर्णयको आधारमा एक जनालाई उत्कृष्ट कमेडी च्याम्पियन घोषणा गरिने छ । कमेडी च्याम्पियनको उपाधि बिजेताले २५ लाख रुपैयाँ बराबारको कार र २५ लाख रुपैयाँ पुरस्कार प्राप्त गर्नेछन ।

यो कार्यक्रमको सञ्चालन अभिनेत्री रिमा विश्वकर्मा रहने छिन् । सान थापा लेखक रहेको कार्यक्रममा अभिनेत्री केकी अधिकारी, राज घिमिरे र सृजा थपलिया निर्माता रहेका छन् । निर्माता एवम् अभिनेत्री केकी अधिकारीले कसैलाई मानहानी नहुने गरी उच्चस्तरको स्ट्याण्डअप कमेडी कार्यक्रम निर्माण गर्ने बताइन् ।

हास्यब्यंग्य कलाकार एवम् निर्णायक सन्तोष पन्तले आफुहरुको पालामा भन्दा अहिले कमेडी सेन्स दर्शक र कलाकारमा धेरै बढेको बताए ।

अर्का निर्णायक मनोज गजुरेलले अहिलेको पुस्ताको चाहना अनुसारको कमेडी कार्यक्रम बन्ने विश्वास व्यक्त गरे । निर्णायक एवम् अभिनेत्री ऋचा शर्माले पनि नेपाली स्ट्यान्डप कमेडीमा यो पहिलो नम्बरको कार्यक्रम बन्ने बताईन् । अर्का निर्णायक प्रदीप भट्टराईले यो कार्यक्रममा धेरै राम्रा कमेडियन जन्मिने विश्वास व्यक्त गरेका छन् ।