न्यायाधीशको पारिश्रमिकसम्वन्धी दुई विधेयक पास
सारांश
- २२, असोज, काठमाडौं ।
- व्यवस्थापिका संसदले न्यायाधीशको पारिश्रमिक तथा सेवा सुविधासम्बन्धी दुई वटा विधेयक पास गरेको छ ।
- संसदको आइतबारको बैठकले प्रधानन्यायाधीश र सर्वोच्च अदालतका न्यायाधीशरुको पारिश्रमिक तथा सेवा सुविधासम्बन्धी विधेयक पास गर्यो ।
२२, असोज, काठमाडौं । व्यवस्थापिका संसदले न्यायाधीशको पारिश्रमिक तथा सेवा सुविधासम्बन्धी दुई वटा विधेयक पास गरेको छ ।
संसदको आइतबारको बैठकले प्रधानन्यायाधीश र सर्वोच्च अदालतका न्यायाधीशरुको पारिश्रमिक तथा सेवा सुविधासम्बन्धी विधेयक पास गर्यो । यस्तै उच्च र जिल्ला अदालतको न्यायाधीशहरुको पारिश्रमिक, सुविधा र सेवाका अन्य सर्त सम्बन्धी विधेयक २०७४ पनि संसदबाट पास भएको छ ।
त्यसअघि आइतबारकै बैठकमा भएको दफावार छलफलका क्रमा सांसदले न्यायपालिकामा बढेको भ्रष्टाचार न्युनीकरण गर्दै न्यायलाई सर्वसुलभ बनाउनु पर्ने धारणा राखेका थिए ।
बैठकले राष्ट्रिय महिला आयोग विधेयकलाई संशोधनसहित पारित गरेको छ । आइतबारको बैठकमा विधायन समितिका सभापति गंगा चौधरी सत्गौवा र सामाजिक न्याय तथा मानवअधिकार समितिका सभापति सुशीलकुमार श्रेष्ठले आआफ्नो समितिको बाषिर्क प्रतिवेदन पेश गरेका थिए ।
संसदको अर्को बैठक मंगलबार बोलाइएको छ ।
प्रतिक्रिया