पशुपति शमशेर राणालाई बीचमा अर्को तनाव थपियो
सारांश
- काठमाडौं, माघ १७ ।
- चुनावमा सामान्य हार मात्र हेन, सिंगो पार्टी नै ‘साफ’ भएपछि कति तनाव होला, पशुपति शमशेर राणालाई !
- बीचमा अर्को तनाव थपिएको छ, मुद्दाको ।
काठमाडौं, माघ १७ । चुनावमा सामान्य हार मात्र हेन, सिंगो पार्टी नै ‘साफ’ भएपछि कति तनाव होला, पशुपति शमशेर राणालाई ! बीचमा अर्को तनाव थपिएको छ, मुद्दाको ।
एक साताअघि राप्रपा अध्यक्ष कमल थापाले जिल्ला अदालत काठमाडौंमा घर–जग्गाको भोगाधिकार माग गर्दै मुद्दा दायर गरेपछि तनावमा परेका हुन् ।
मालपोत कार्यालय चावहिलमा ‘राष्ट्रिय प्रजातन्त्र पार्टी, काठमाडौं’ को नाममा स्रेस्ता कायम भएको कामपा–७, चाबहिल, लाम्पाटीको जमिन र त्यसको चर्चको घरमाथि कमल थापाले दावी गरेका छन् ।
अहिले पशुपतिले नेतृत्व गरेको पार्टीको नाम राप्रपा (राष्ट्रवादी) हो भने कमलको पार्टीले ‘राप्रपा’ मात्रै लेख्ने गरेको छ ।
राजनीतिक दलको आधिकारीक दर्ता हुने निकाय निर्वाचन आयोगमा राप्रपाको अध्यक्ष कमल थापा उल्लेख छ भने पशुपतिशमशेर पछाडी ‘राष्ट्रवादी’ झुण्ड्याइएको पार्टीमा अध्यक्ष छन् । यो खबर आजको जनआस्था साप्ताहिकमा छ ।
प्रतिक्रिया