पायल्स पीडितहरुका लागि घरेलु उपचार – डा. यञ्जन गैह्रे

पायल्समा  ध्यान दिनुपर्ने कुराहरु

–प्रशस्त पानी पिउने (१ घण्टा= १ गिलास)।
–हरियो सागपात काँचै खाने, फलफूलको जूस+फलफूल खाने, चोकर सहितको गहुँको पिठो, रोटी, ब्राउन राइस, रहर तथा मुंगको दाल खाने ।
–दैनिक ४५ मिनेट–१ घण्टा हलुका पसिना आउने गरेर शारीरिक व्यायाम गर्ने जस्तैः योग–आसन, रिड व्यायाम, aerobic exercise  आदि ।
–हप्तामा एक पटक आवश्यकता अनुसार पेट सफा गराउने (एनिमा लिने) र कब्जियत हुन नदिने ।
–शरीरले पचाउन सक्ने गरी मात्र खाना खाने ।
–चिल्लो, पिरो, तारे–भुटेको, मसालेदार परिकार नखाने ।
–शौचालय गईसकेपछि वा सुत्नु अघि तोरी÷जैतुनको तेल गुहद्वारमा लगाउने ।
–धुम्रपान, रक्सी, ब्राण्डी, सुर्ती, जर्दा जस्ता चिजको सेवन नगरौं ।

के खाने ः–

–गहुँको चोकर सहितको रोटी
–जौ, पुरानो चामल, रहर, मुंगको दाल, केरा, अमला
–गाजर, पालुँगो, मूला, करेलाको रस
–धनियाका रसमा मिस्रि मिलाएर खाने
–पानी धेरै पिउने
–हरियो सागसब्जी
-सलाद आदि खाने ।

के नखाने ः–

–तातो, पिरो, मसालेदार, बासी खाना, मासु, अमिलो, आलु, सखर, डिब्बा बन्द परिकार, चिया, कफी, रक्सी, चुरोट, ब्राण्डी, आदि ।
पायल्समा  भोजन एंव पोषण तालिका

बिहान ५.३० बजे ः पानी २ गिलास+लसुनको केशरा २, ३ खाने

७.०० बजे ः मुनक्का या छोहरा ५० ग्राम (७ छण्टा पानीमा भिजाएर)

बिहान १०.११ बजे ः रातो चामलको भात १०० ग्राम ः दाल १० ग्राम (अंकुरित मुङ्ग, मेथि, चना, सबभन्दा राम्रो) ः तरकारी ३०० ग्राम जस्तै ःसिजन अनुसारको परवर, लोका, करेला, घिरौला हरियो सागसात मेथी, चम्सुर, बेथे, खादि प्रशस्त खाने । सलाद २०० ग्राम जस्तै ःकाक्रो, गाँजर, मुला, चुकन्दर, आदि काँचो खानमिल्ने खानेकुराहरु ।

दिउँसो ३.०० बजे ः कुनै एक ः गहुँको सुख्खा रोटी १ वटा र तकारी १ प्लेट –फपर, कोदो, मकैको रोटी पनि खान सकिन्छ ) ः हरियो मकै उसिनेर सानो १ कचौरा या भुटेको मकै ः फलफूल २०० ग्राम स्याउ, मौसम, सुन्तला, अनार मध्ये कुनै एक

बेलुका ८.०० बजे ः गहुँको सुख्खा रोटी २, ३ वटा ः तरकारी, चट्नी बिहानको जस्तै (बेलुका दाल नखाने) नोट ः पानी दिनभरीमा ३ देखि ४ लिटर सम्म पिउने ः हरियो सागपात, फलफूल, तरकारीहरुको प्रशस्त प्रयोग गर्ने ः खाना राम्रोसँग चपाएर खाने, नुन र चिल्लो कम खाने

नोटः– रोगी हुनु भन्दा पहिले नै प्राकृतिक उपचार र जीवनशैली परिवर्तनबाबाट निरोगी रहौं । खानामा रोटी, भातको मात्रा २०–४०% र हरियो सागसब्जी+सुपको मात्रा ६०–८०% हुनु जरुरी छ ।

लेखक, प्राकृतिक स्वास्थ्य अस्पताल र वेलनेस अस्पतालका डाक्टर हुनुहुन्छ।