पाल्पा र मोरङमा मोटरसाइकल दुर्घटनाः दुईको मृत्यु
सारांश
- पाल्पा, १८ मंसिर ।
- पाल्पामा आज विहान मोटरसाइकल दुर्घटना हुँदा एक जनाको मृत्यु भएको छ ।
- बुटवलबाट पाल्पातर्फ आउँदै गरेको लु ३० प ४१९३ नं को मोटरसाइकल तिनाउ नदीमा खसेको दोभान प्रहरी चौकीले जनाएको छ ।
पाल्पा, १८ मंसिर । पाल्पामा आज विहान मोटरसाइकल दुर्घटना हुँदा एक जनाको मृत्यु भएको छ ।
बुटवलबाट पाल्पातर्फ आउँदै गरेको लु ३० प ४१९३ नं को मोटरसाइकल तिनाउ नदीमा खसेको दोभान प्रहरी चौकीले जनाएको छ ।
मृत्यु हुनेमा मदनपोखराका ३७ वर्षीय गणेश रेग्मी रहेका छन् । मोटरसाइकल सडकबाट एक सय मिटर तल तिनाउ खोलामा खसेको थियो ।
त्यस्तै, मोरङमा आज विहान मोटरसाइकल दुर्घटना हुँदा एक युवकको मृत्यु भएको छ । एक जना घाइते भएका छन् । को १९ प ४४७५ नं को मोटरसाइकल सडकमा अनियन्त्रित भई दुर्घटना भएको इलाका प्रहरी कार्यालय उर्लाबारीले जनाएको छ । मृत्यु हुनेमा उर्लाबारीका २५ वर्षीय अमित धिमाल रहेका छन् । गम्भीर घाइते भएका ३० वर्षीय बोरिस धिमालको नोबेल अस्पताल विराटनगरमा उपचार भइरहेको छ ।
कुल कमेन्ट:
0
Shikhar Khabar
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया