प्रदेश नम्बर ३ को राजधानी हेटौंडा राख्ने प्रस्ताव पारित
सारांश
- काठमाडौं।
- प्रदेश नम्बर ३ को राजधानी हेटौंडा हुने निश्चित भएको छ ।
- आज बसेको प्रदेश सभा बैठकले राजधानी हेटौंडा बनाउने प्रस्ताव पारित गरेको हो ।
काठमाडौं। प्रदेश नम्बर ३ को राजधानी हेटौंडा हुने निश्चित भएको छ । आज बसेको प्रदेश सभा बैठकले राजधानी हेटौंडा बनाउने प्रस्ताव पारित गरेको हो ।
आजको बैठकमा राजधानी हेटौंडा बनाउने प्रस्तावको पक्षमा १०५ मत परेको थियो । प्रदेशको राजधानी काभ्रेपलाञ्चोकको धुलिखेल बनाउने पक्षमा मात्रै ३ मत परेको थियो । धुलिखेलका पक्षमा विवेकशील र साझाका ३ सांसद मात्र थिए ।
हेटौंडा बनाउने पक्षमा सत्तारुढ नेकपा, प्रमुख प्रतिपक्षी कांग्रेससहित दुवै राप्रपाका सांसद थिए । आजको बैठकमा २ सांसद अनुपस्थित थिए । २ सांसद भएको नेमकिपाले राजधानीको विषयमा केही बोलेको थिएन । सम्भवतः आज अनुपस्थित सांसद नेमकिपाकै भएको अनुमान गरिएको छ । अब केहीबेरमा प्रदेशको नामको विषयमा मत विभाजन गर्न फेरि बैठक बस्नेछ ।
कुल कमेन्ट:
0
Shikhar Khabar
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया