प्रधानमन्त्री ओलीको पुरस्कार सरकारी कोषमा, थपियो रकम

काठमाडौं । प्रधानमन्त्री केपी शर्मा ओलीलाई दिइएको नेतृत्व तथा सुशासन पुरस्कारको रकम कोष स्थापना भएको छ ।

सरकारी कोषमा राखिएको त्यो पुरस्कारबाट युवा तथा बालबालिकाका क्षेत्रमा खर्च हुनेगरी स्थापित भएको छ । सरकारले त्यत्ति नै बराबरको रकम थप गरी कोष तयार गने निर्णय भएको छ ।
अब कोषमा २ लाख डलर हुनेछ ।

प्रधानमन्त्री ओलीलाई युनिभर्सल पिस फेडेरेसनले सुशासनको क्षेत्रमा योगदान पुराएको भन्दै १ लाख डलर रकमको पुरस्कार आइतबार दिएको थियो ।

सोमबार बसेको मन्त्रिपरिषद् बैठकले पुरस्कारको रकम बढाएर युवा तथा बालबालिकाका क्षेत्रमा काम गर्नेगरी कोष स्थापना गर्ने निर्णय गरेको हो।

शनिबार र आइतबार काठमाडौंमा गरिएको एसिया प्यासिफिक सम्मलेलनको समापन अवसरमा प्रधानमन्त्री ओलीलाई एक लाख डलरको नेतृत्व एवं सु–शासन अवार्ड प्रदान गरिएको थियो।