श्रमिकको गुनासो सुन्न सिंहदरबारमै ‘सहायता केन्द्र’

काठमाडौं, १९ पुस । सरकारले वैदेशिक रोजगार सम्बन्धी सबै गुनासो सुन्न सहायता कक्ष कल सेन्टर सञ्चालनमा ल्याउने भएको छ । यसअघि स्थापना भएका हेल्प डेस्क प्रभावकारी नभएपछि सिंहदरबारभित्रै आधुनिक प्रविधिसहितको सहायता केन्द्र सञ्चालनमा ल्याउन लागिएको हो ।

बैदेशिक रोजगारीमा विदशिने र विदेशिन चाहने नोपाली समस्याको सुनुवाई गर्न डेस्क स्थापना गर्ने तयारी अन्तिम चरणमा र्पुयाइएको श्रम, रोजगार तथा सामाजिक सुरक्षा मन्त्रालयले जनाएको छ । यो सहायता कक्षमा फोनबाट मात्रै नभएर फेसबुक, भाइबर, इमो, ह्वाट्सएप लगायतबाट पनि उजुरी दर्ता गर्न सकिनेछ ।

सहायता केन्द्र स्थापना भएपछि विदेशमा समस्या भोगेकाहरुले सरकारसमक्ष सीधै टेलिफोनमार्फत आफ्ना गुनासा र उजुरी दर्ता गर्न सक्नेछन् । यसैका आधारमा सरकारले आवश्यक सहयोगका लागि पहल तथा उद्धारका लागि प्रक्रिया अघि बढाउने मन्त्रालयले जनाएको छ ।