प्रधानमन्त्री देउवाको प्रस्ताव ओलीद्वारा अस्वीकार, प्रचण्डले दिए दुई विकल्प

काठमाडौं । प्रधानमन्त्री निवास बालुवाटारमा आज बसेको कांग्रेस, एमाले र माओवादीका शीर्ष नेताहरुको बैठकमा प्रधानमन्त्री शेरबहादुर देउवाले संविधान संशोधनका लागि राखेको प्रस्ताव नेकपा एमालेले ठाडै अस्वीकार गरेको छ ।

संसदमा विचाराधीन संशोधन विधेयक पास गर्न सहयोगका लागि प्रमुख प्रतिपक्ष एमालेलाई आग्रह गर्दा ठाडै अस्वीकार गरेपछि माओवादी केन्द्रका अध्यक्ष पुष्पकमल दाहाल ‘प्रचण्ड’ले दुई वटा विकल्प दिएका छन् ।

प्रचण्डले एमालेलाई  दलहरुको सहमतिमै संविधान संशोधन प्रस्ताव बनाउने र पास गर्नेछ । अर्को अहिलेकै प्रस्तावलाई भोटिङमा लैजाने, सबैले परिणाम स्वीकार गर्ने, चुनावसम्म तेस्रो संशोधन प्रस्ताव होल्ड गर्ने र राजपालाई चुनावमा ल्याउन आवश्यक अन्य सबै माग पुरा हुनेछ ।

बैठकमा सहभागि एक नेताका अनुसार एमालेले चुनावसम्म संविधान संशोधन स्थगित गर्नुपर्ने अडान राखेको छ । बैठकमा प्रदेश र केन्द्रको चुनाव सकेपछि मात्र संशोधनबारे छलफल गर्न सकिने एमालेका नेताहरुले बताएका छन् ।