फेरि विवादमा न्यायाधीश दीपकराज जोशी

काठमाडौं, ११ मंसिर । विवादास्पद फैसलाका कारण संसदीय सुनुवाई विशेष समितिबाट प्रधानन्यायाधीशमा अस्वीकृत भएका न्यायाधीश दीपकराज जोशीमा विगतको बानी सुधार हुन नसकेको देखिएको छ । उनमा सुधार हुने अपेक्षासहित महाभियोग लगाउने निर्णयबाट प्रधानमन्त्री केपी शर्मा ओली ब्याक भएका थिए । तर सोमबार न्यायाधीश जोशी र बमकुमार श्रेष्ठको इजलासले भाटभटेनी सुपरस्टोर्सदेखि अरुण इन्टरकन्टिनेन्टल ट्रेडर्स र शंकर अक्सिजन ग्याँस प्रालिका करसम्बन्धी मुद्दाहरु हेर्दाहेर्दैमा राखेको छ ।

भाटभटेनी, अरुण र शंकर ग्यासँको मुद्दा हेर्दाहेर्दैमा राख्नुमा ठूलो आर्थिक चलखेल भएको आशंका गरिएको छ । हेर्दाहेर्दैमा राखिएपछि जसले राखेको हो त्यही न्यायाधीशले मात्र हेर्न पाउँछ । यी मुद्दामा ठूलो सेटिङ भएकै कारण हेर्दाहेर्दैमा राखिएको स्रोतको दाबी छ ।