बलिउड अभिनेता आदित्यमाथि नाबालिग बलात्कारको अभियोग

पुराना बलिउड अभिनेता आदित्य पञ्चली माथि बलात्कारको अभियोग दर्ता भएको छ । एक नाबालिगलाई विगतमा पटक–पटक बलात्कार गरेको भन्दै उनीमाथि मुम्बई प्रहरीमा उजूरी भएको हो । भारतीय सञ्चारमाध्यमका अनुसार आदित्यमाथि बलात्कारको अभियोग दर्ता गर्ने पनि कलाकार नै हुन् । उनले आफू कम उमेरको हुँदा आदित्यले भिन्न समय र स्थानहरुमा यौन दुव्र्यवहार गरेको उल्लेख गरेकी छिन् ।

प्रहरीले घटनाबारे अनुसन्धान शुरु गरिसकेको छ । यसअघि पनि ती महिलाले टेलिभिजन शो लगायतका सञ्चारमाध्यममा आदित्यको गलत क्रियाकलापको खुलासा गरेकी थिइन् । तर कतिपयले ती महिलाले पञ्चलीलाई बदनाम गराउन भन्दै विभिन्न गतिविधि गरेको आरोप पनि लगाउँदै आएका छन् । । पञ्चली माथि यसअघि पनि महिला कलाकारहरुमाथि दुव्र्यवहार गरेको अभियोग लागेको थियो । विवादास्पद क्रियालापका कारण पञ्चली चर्चामा आइरहन्छन् ।

भक्तपुरमा भोली वृक्षारोपण
नबराज काफ्ले । असार १४ गते राष्ट्रिय वृक्षारोपण दिवसको अवसर पारेर हनुमन्ते नदि सफाई अभियानले ७० औ हप्ताको सरसफाई कार्यक्रमको अवसरमा प्रतिनिधिसभाका सभामुख कृष्ण बहादुर महराको प्रमुख आतित्थ्यमा समुद्घाटन हुने भएको छ । हनुमन्ते नदी सफाई अभियान, सूर्य्विनायक नगरपालिका एवं दक्षिण बराही उद्यान सामुदायिक वन उपभोक्ता समूहसँगको संयूक्त आयोजनामा हुन लागेको उक्त कार्यक्रममा सभामुख महराको प्रमुख आतिथ्यता एवं संघिय सांसद तथा पूर्वमन्त्री महेश वस्नेतको विशेष आतिथ्यताका साथ नयाँ ठिमी शखंधर चोकमा भोली विहान ठीक ७ बजे जम्मा भई सरसफाई कार्यक्रमका साथ दक्षिण बराही पार्कमा पुगि वृक्षारोपण गर्ने कार्यक्रम तय गरेको छ ।

नेपाल सरकारले आर्थिक वर्ष २०७६र०७७ लाई वृक्षारोपण वर्षको रुपमा मनाउने र अषाढ १४ गते देशव्यापीरुपमा वृक्षारोपण कार्यक्रम सञ्चालन गर्ने गरि कार्यक्रमहरु तय गरिएकाले भक्तपुर जिल्लामा पनि सोहि बमोजिमको कार्यक्रम आयोजना गरिएको सांसद वस्नेत वताउनुभयो । जलवायु परिवर्तन र विश्वमा तापमान वृद्धिले सृजना गरिरहेका प्रतिकूल प्रभावहरुलाई न्यूनिकरण गर्न योअभियान कोशेढुङ्गा सावित हुने सांसद वस्नेतले बताउनुभयो । नेपालमा करीब ४५ प्रतिशतको हाराहारीमा वन भए पनि पछिल्लो समय शहरी क्षेत्र उजाड बन्दै गएको बेला वन तथा वातावरण मन्त्रालयले विरुवा उत्पादन, रोपण तथा वितरण गरेर मनाउन लागेको वृक्षारोपण कार्यक्रम अन्र्तगत ७७ वटै जिल्लामा विभिन्न ठाँउका खाली चौर, पर्ती जग्गा, नदी खोला किनार, जगंल लगायतका स्थानहरुमा ५ करोड भन्दा बढी विरुवाहरु रोप्ने योजना बनाएको सांसद वस्नेतले उल्लेख गर्नुभएको छ ।

सरसफाई एवं वृक्षारोपणकार्यक्रमलाई भव्य वनाउन स्थानीय जनप्रतिनिधि तारा सापकोटाको संयोजकत्वमा रुद्र काफ्ले, अमित उपाध्याय, नरेश रन्जित, मदन घिमिरे, गोविन्द आचार्य, रामकृष्ण पोखरेल, मधुसुदन खडका, शारदा पन्त, गणेश दहाल, अशोक ठाकुर, चन्द्र कृष्ण श्रेष्ठ, शक्तिमोहन पौडेल, नवराज काफ्ले, जयराज पौडेल, दिल बहादुर महत, बद्री बराल, मोहीनी घिमिरे, सुवोध खडका, शितल केसी, भगवती शिवाकोटी सदस्य रहेको २१ सदस्यीय सरसफाई एवं वृक्षारोपण कार्यक्रम मूल तयारी समिति गठन गरेको छ ।

त्यसैगरि प्रचार प्रसार व्यापक वनाउन हनुमन्ते नदि सफाइ अभियानका मेडिया संयोजक सुन्दर विष्टको संयोजकत्वमा वीरेन चौलागाई, नबराज काफ्ले, अमित कुमार उपाध्याय र नरेश रन्जित रहेको ५ सदस्यीय प्रचार प्रसार समिति समेत गठन गरी प्रचार प्रसारलाई तिव्रता दिईएको हनुमन्ते नदि सफाई अभियानका सह संयोजक एवं सूर्य्िवनायक नगरपालिकाका उ