बारको चुनाव : नयाँ अधिवक्ताले भोट दिन पाएनन्

काठमाडौं । नेपाल बार एशोसिएनको भोलि शनिबार हुने २५औँ केन्द्रीय कार्यसमितिको चुनावमा करिब १८ सय नयाँ अधिवक्ताले भोट दिन नपाउने भएका छन् ।

सर्वोच्च अदालतका न्यायाधीश तेजबहादुर केसीको एकल इजलासले आज निर्वाचनमा भाग लिन नपाउनुका कारण देखाउ आदेश जारी गरेपछि मतदानबाट बञ्चित हुने भएका हुन् । बारको निर्वाचन आउन एकदिन मात्र बाँकी रहेको बेला सर्वोच्चले कारण सोधेको हो ।

रुकुम जिल्ला बार एकाइका संस्थापक कोषाध्यक्ष लोकेन्द्र ओली र काठमाडौं जिल्ला बार एकाइका सदस्य उमा प्रसार्इंले पेश गरेको रिट निवेदन सर्वोच्च प्रशासनले यही चैत ८ गते दरपीठ ९दर्ता गर्न अस्वीकार० गरेको थियो । त्यस दरपीठविरुद्ध इजलासमा निवेदन परेको थियो । निवेदनमाथि सुनुवाइ हुँदा बिहिबार कारण देखाउ आदेश जारी भएको छ ।

निर्वाचनमा मताधिकारबाट बञ्चित भएपछि मतदान गर्न पाउनुपर्ने माग राख्दै पेश गरेको रिट निवेदन सर्वोच्च अदालत प्रशासनले दरपीठ गरेको थियो ।