भुवन केसीकी पूर्वपत्नी सुस्मितालाई चुम्बन गर्ने यी व्यक्ति को होलान् ?

काठमाडौं, २९ भदौ । चर्चित नायक भुवन केसीकी पूर्वपत्नी सुस्मिताले अष्ट्रेलियन नागरिकसँग झ्याइँ पार्ने भएकी छन् । सुस्मिता बोम्जन केसीले अष्ट्रेलियन नागरिकसँग इन्गेजमेण्ट गरेको समाचार सार्वजनिक भएका छन् भने भावी श्रीमानसँग रमाउँदै गरेका तस्वीरहरु सार्वजनिक भएका छन् ।

चलचित्र निर्मात्री तथा नायिका समेत रहेकी सुस्मिताले भदौ २४ गते सिंगापुरमा इन्गेजमेण्ट गरेकी हुन् । सुस्मिताका भावी पति भारतीय मूलका अस्ट्रेलियन नागरिक भएको बताइएको छ । उनको नाम किलन स्वामी हो ।

नायक भुवन केसीसँग सम्बन्धविच्छेद गरेपछि सुस्मिता एक्लै बस्दै आएकी थिइन् । सुस्मिताले छोरा अनमोल केसीकै सहमतिमा इन्गेजमेन्ट गरेको बताइएको छ । अनमोल नयाँ पुस्ताका चर्चित नायक हुन् ।

सुस्मिताको बिहे भने सन् २०१९ को भ्यालेन्टाइन डेको अवसरमा फिजीमा हुने बताइएको छ । फिजीमा जन्मिएका किलन स्वामी अस्ट्रेलियाका के. ग्यासका धनाढ्य व्यापारी हुन् । सुस्मिताले गत वर्ष चलचित्र म त तिम्रै हुँ निर्माण गरेकी थिइन् ।