मुख्य खबर

मंहगी बढेकाले बजार अनुगमन गर्न प्रधानमन्त्री ओलीको निर्देशन

Shikharkhabar

बिहिबार, आषाढ २८, २०७५

५

३९ पटक हेरिएको

मंहगी बढेकाले बजार अनुगमन गर्न प्रधानमन्त्री ओलीको निर्देशन

Shikharkhabar

काठमाडौं २८ असार, प्रधानमन्त्री केपी शर्मा ओलीले बजारमा अत्यधिक महंगी बढेकाले बजार अनुगमन गर्न सम्बन्धित मन्त्रालयका मन्त्री र सचिवलाई निर्देशन दिएका छन् ।
सिंहदरबारमा हिजो बुधबार रातिसम्म भएको वैठकमा आगामी आर्थिक बर्षका तयारी कार्ययोजनाहरुको जानकारी लिंदै यस्तो निर्देशन भएको हो ।
महंगी अत्याधिक बढेको भन्दै सम्बन्धमा कडा अनुगमन गर्न प्रधानमन्त्रीले निर्देशन दिएका छन् ।

काठमाडौं २८ असार, प्रधानमन्त्री केपी शर्मा ओलीले बजारमा अत्यधिक महंगी बढेकाले बजार अनुगमन गर्न सम्बन्धित मन्त्रालयका मन्त्री र सचिवलाई निर्देशन दिएका छन् । सिंहदरबारमा हिजो बुधबार रातिसम्म भएको वैठकमा आगामी आर्थिक बर्षका तयारी कार्ययोजनाहरुको जानकारी लिंदै यस्तो निर्देशन भएको हो ।

महंगी अत्याधिक बढेको भन्दै सम्बन्धमा कडा अनुगमन गर्न प्रधानमन्त्रीले निर्देशन दिएका छन् । यसैगरी दुर्घटना कम गर्नका लागि सडक निर्माण गर्दा पहाडी तथा हिमाली क्षेत्रमा अनिवार्य सडक सुरक्षित गर्ने ‘सेफ्टी वारमर’ राख्न प्रधानमन्त्रीको निर्देशन छ ।

मन्त्रालयगत योजनाको जानकारी लिएपछि प्रधानमन्त्री ओलीले विभिन्न सुझाव दिएका छन् । सहकारीहरुलाई वित्तीय कारोबारभन्दा उत्पादनतिर लाग्न प्रधानमन्त्रीको सुझाव छ । आर्थिक बर्ष ०७५-०७६ को नीति तथा कार्यक्रम र बजेट सम्बन्धी कार्यान्वयन कार्य योजनाको प्रस्तुतीकरण कार्यक्रममा विभिन्न मन्त्रालयका सचिवले मन्त्रालयगत कार्ययोजना प्रधानमन्त्रीलाई जानकारी गराएका छन् ।

गृह, भौतिक पूर्वाधार तथा यातायात, उर्जा जलस्रोत तथा सिंचाइ, सहरी विकास मन्त्रालयका सचिवले कार्ययोजना पेश गरेका छन् । त्यसैगरी स्वास्थ्य-जनसंख्या, श्रम-रोजगार तथा सामाजिक सुरक्षा, शिक्षा-विज्ञान तथा प्रविधि, परराष्ट्र, कृषि-भूमि व्यवस्था तथा सहकारी मन्त्रालय, खानेपानी तथा सरसफाई र उद्योग वाणिज्य तथा आपूर्ति मन्त्रालयका सचिवले आफ्ना कार्ययोजना पेश गरेका छन् । बाँकी रहेका मन्त्रालयले अर्को कार्यक्रममा योजना पेश गर्ने भएका छन् । कार्यक्रममा सबै मन्त्रालयका मन्त्री र सचिवको उपस्थिति थियो ।