मोटरसाइकलको ठक्करबाट गम्भीरघाइते वृद्धाको मृत्यु

अस्बिन खड्का, २२ साउन । साेमबार सिराहाको नरहा गाउँपालिका– ५ बलुवाचोकमा मोटरसाइकलको ठक्करबाट गम्भीर घाइते भएकी एक वृद्धाको आज उपचारको क्रममा मृत्यु भएको छ ।

स ६ प ९०८४ नं को मोटरसाइकल को ठक्करबाट गम्भीर ८० वर्षीया देवकी देवी यादवको धरानस्थित बिपी कोइराला स्वास्थ्य विज्ञान प्रतिष्ठानमा उपचारको क्रममा मृत्यु भएको हाे ।

घाइते यादवलाई स्थानीय मेडिकलमा उपचार सम्भव नभएपछि गएराति नै उपचारका लागि धरान पठाइएकोमा उपचारको क्रममा आज मृत्यु भएको प्रहरीले जनाएको छ । यस्तै आज नै सप्तरीको अग्निसाइर कृष्णसर गाउँपालिका– १ स्थित महुली खोलामा बाढीले बगाएर ल्याएको एक महिलाको शव फेला परेको छ । सनाखत हुन नसकेको अन्दाजी ५०,५५ बर्ष की महिलाको शव परीक्षणका लागि राजविराजस्थित गजेन्द्रनारायण सिंह सगरमाथा अञ्चल अस्पताल पठाइएको प्रहरीले जनाएको छ।