यी हुन नेकपाकाे नेतृत्वकाे सरकारले पाँच महिनामा गरेका उपलब्धीहरू

पुस्तिकामा प्रधानमन्त्री ओलीको २३–२५ चैत्र २०७४ मा भएको भारतको ३ दिने राजकीय भ्रमण र ५–१० असार २०७५ मा भएको चीनको औपचारिक भ्रमणपनि उपलब्धिमूलक भएको बताउँदै त्यसको सविस्तार चर्चा गरिएको छ। ‘अर्थ–प्रशासनमा सुधार, राज्यकोषलाई उल्लेख्य लाभ’ शीर्षक अन्तर्गत १० वटा उपलब्धि भएको दावी गरेको सरकारले आफ्नो मुख्य नाराको रुपमा रहेको ‘सडक÷रेल पूर्वाधार निर्माणः तीब्र गतिमा काम’ शीर्षकमा ६ उपलब्धि हासिल भएको बताएको छ।

यसैगरी ‘पूर्वाधार विकासमा छोटो समयका केही नतिजा’ भन्दै ६ वटा उपलब्धि भएको दावी सरकारको छ भने ‘ऊर्जामा आत्मनिर्भरता, राष्ट्रिय आयको दीर्घकालीन साधन’ शीर्षकमा २ उपलब्धि हासिल भएको भनिएको छ।

‘शिक्षा क्षेत्रमा दूरगामी महत्वका तीन प्रमुख काम’ भन्दै ती कामहरुको सूची दिइएको छ। ‘सुरक्षाको क्षेत्रमा भएका मूख्य पाँच काम’ भन्दै जम्मा ४ वटा कामको सूची उल्लेख गरिएको छ। ‘पुनर्निर्माणमा नतिजामुखी काम’ ४ वटा काम भएको दावी सरकारले गरेको छ।

यसैगरी ‘कृषिको व्यवसायिकरण’ ४ वटा, ‘सामाजिक सुरक्षामा नयाँ थालनी’ अन्तर्गत ३ वटा, ‘प्रशासनमा शीघ्र र सहज सेवाको प्रवन्ध’ अन्तर्गत ४ वटा, ‘मेलम्ची खानेपानीः सपनाबाट यथार्थमा परिणत हुँदै’ शीर्षक अन्तर्गत ५ वटा उपलब्धि हासिल भएको चर्चा गरिएको छ।

‘नमुना शहर र एकीकृत वस्ती निर्माणको आधार तयार’ अन्तर्गत ३ वटा, स्वास्थ्य क्षेत्रमा उपलब्धिः औषधीको मुल्य निर्धारण’ अन्तर्गत ३ वटा, ‘उद्योगमा सफलताः फलाम खानी अन्वेषण’ अन्तर्गत ३ वटा उपलब्धि भएको बताउँदै सरकारले ‘अन्तर्राष्ट्रिय र प्रदेशस्तरीय रंगशाला निर्माणको तयारी’ अन्तर्गत २ वटा उपलब्धि भएको दावी गरेको छ।

तलकाे लिंक खाेल्नुहाेस ।

https://drive.google.com/file/d/1dS_luKNKAzCBe9BzToKyOLgSmTGZ6IqR/view